کھلنڈرے کھلاڑیوں نے معیشت سمیت تمام شعبوں کو تباہ و برباد کر دیا‘ حمزہ شہباز

بدھ 19 جنوری 2022 21:41

لاہور (اُردو پوائنٹ اخبارتازہ ترین - آن لائن۔ 19 جنوری2022ء) پنجاب اسمبلی میں قائد حزب اختلاف حمزہ شہباز نے کہا ہے کہ ہوشربا مہنگائی نے عوام کا جینا محال کر دیا ہے،حکومت کی عوام دشمن پالیسیوں کے خلاف ہر سطح پر آواز بلند کریں گے ،کھلنڈرے کھلاڑیوں نے معیشت سمیت تمام شعبوں کو تباہ و برباد کر دیا ۔

(جاری ہے)

ان خیالات کا اظہار انہوں نے پارٹی سیکرٹریٹ میں ارکان اسمبلی رانامبشراقبال،صبا صادق اور دیگر سے ملاقات کے دوران گفتگو کرتے ہوئے کیا ۔

اس موقع پر پارٹی اور سیاسی امور پر بھی تبادلہ خیال کیا گیا ۔حمزہ شہباز نے کہا کہ مسلم لیگ (ن)پہلے بھی عوام کی آواز بنے ہے اور آئندہ بھی عوام کو تنہا نہیں چھوڑیں گے ،منی بجٹ کے باعث مہنگائی کا طوفان آ گیا ہے لیکن حکمران عوامی مسائل کو سمجھنے سے غافل ہیں کیونکہ یہ نااہل لوگ ہیں جو صرف کرپشن کرنا جانتے ہیں۔