سندھ ہائی کورٹ ، شہید ڈی ایس پی عبد المجید کے اہلخانہ کی معاوضے کی درخواست،آئی جی سندھ پیش،عدالت مشتاق مہر پر برہم
آئی جی صاحب آپ سے سندھ میں مٹھی بھر ڈاکوکنٹرول نہیں ہوپارہی ڈکیتیوں اور چوریوں کی وارداتیں بڑھ رہی ہیں،جسٹس آفتاب احمد گورڑ صوبے میں لوگ مررہے ہیں پولیس والے بھی شہید ہورہے ہیں، آپ تین سال سے آئی جی ہیں پولیس کے کمانڈر ہیں کچھ نہیں کرپارہی ، عدالت عالیہ کسی شہید پولیس اہلکار کو معاوضہ سندھ پولیس نے نہیں دیا۔ عبدالفتح سانگھڑی کے اہلخانہ کو معاوضہ وزیراعلی سندھ نے دیا تھا، ایڈووکیٹ جنرل سندھ شہید ڈی ایس پی عبدالفتح سانگھڑی کے اہلخانہ کو 2 کروڑ روپے معاوضہ دیا گیا، شہید ہونے والے دوسرے ڈی ایس پی عبدالمجید کے اہلخانہ کو 20 لاکھ روپے دیئے گئے، ایک کو دو کروڑ دوسرے کو 20 لاکھ روپے معاوضہ دینا امتیازی سلوک ہے، وکیل درخواست گزار وزیراعظم یا وزیر اعلی پبلک منی کا اپنے صوابدیدی اختیارات کے تحت استعمال نہیں کرسکتے، وزیر اعلی نے بھی کسی شہید اہلکار کو زیادہ رقم دی تو وہ بھی غلط دی،عدالت عالیہ
جمعرات 20 جنوری 2022 13:14
(جاری ہے)
صوبے میں لوگ مررہے ہیں پولیس والے بھی شہید ہورہے ہیں۔ آپ تین سال سے آئی جی ہیں پولیس کے کمانڈر ہیں کچھ نہیں کرپارہی کندھ کوٹ میں پل بن رہا ہے ڈاکو ان سے بھی پیسے مانگ رہے ہیں۔
کہا گیا چار ڈاکومار دیئے، ڈاکوپولیس نے نہیں مارے۔ ڈاکوئوں کے ایک گروپ نے دوسرے گروپ کے ڈاکومارے۔ پولیس والے لاشیں خریدتے ہیں پھر پریس کانفرنس کرکے کریڈٹ لیتے ہیں۔ اندر سے سب ملے ہوتے ہیں ایک دوسرے کو سپورٹ کرتے ہیں۔ یہ سب آپ سے کیوں کنٹرول نہیں ہوپارہا آئے دن چوریوں اور ڈکیتیوں کی وارداتیں ہورہی ہیں۔ جسٹس آفتاب احمد گورڑ کی جانب سے سرزنش کے دوران آئی جی سندھ مشتاق مہر ہاتھ باندھ کر خاموش کھڑے رہے۔ جسٹس آفتاب احمد گورڑ نے مکالمہ میں کہا کہ آئی جی صاحب 3 سال سے آپ آئی جی ہیں۔ لیکن عدالتی احکامات پر عملدرآمد نہیں ہو رہا۔ جس افسر کو جواب جمع کرانے کا کہتے ہیں، وہ کہتا ہے میری ابھی پوسٹنگ ہوئی ہے۔ شہید پولیس اہلکاروں کے اہلخانہ کو معاوضہ دینے کے معاملے پر تضاد کیوں ہی ایڈووکیٹ جنرل سندھ سلمان طالب الدین نے موقف دیا کہ کسی شہید پولیس اہلکار کو معاوضہ سندھ پولیس نے نہیں دیا۔ عبدالفتح سانگھڑی کے اہلخانہ کو معاوضہ وزیراعلی سندھ نے دیا تھا۔ وزیر اعلی سندھ نے صوابدید پر شہید ڈی ایس پی کے اہلخانہ کو دو کروڑ روپے معاوضہ دیا۔ درخواستگزار کے وکیل اعجاز ایڈووکیٹ نے موقف اپنایا کہ شہید ڈی ایس پی عبدالفتح سانگھڑی کے اہلخانہ کو 2 کروڑ روپے معاوضہ دیا گیا۔ شہید ہونے والے دوسرے ڈی ایس پی عبدالمجید کے اہلخانہ کو 20 لاکھ روپے دیئے گئے۔ ایک کو دو کروڑ دوسرے کو 20 لاکھ روپے معاوضہ دینا امتیازی سلوک ہے۔ سلمان طالب الدین نے موقف دیا کہ کتنا معاوضہ دینا ہے کوئی قانون موجود ہی نہیں۔ پولیس کو بھی اختیار نہیں وہ کسی شہید اہلکار کو کتنا معاوضہ دینا ہے۔ پولیس نے محکمہ داخلہ اور خزانہ کو 18 جنوری کو خط لکھا ہے۔ جسٹس عدنان الکریم میمن نے ریمارکس دیئے کہ اگر کوئی قانون موجود نہیں، پھر عدالت کیسے حکم نامہ جاری کرسکتی ہے۔عدالت نے ریمارکس دیتے ہوئے کہا کہ وزیر اعلی نے بھی کسی شہید اہلکار کو زیادہ رقم دی تو وہ بھی غلط دی۔ وزیر اعلی سندھ پبلک منی کسی کو اپنی مرضی سے کیسے دے سکتے ہیں سپریم کورٹ بھی واضح کرچکی ہے، عدالت وزیراعظم یا وزیر اعلی پبلک منی کا اپنے صوابدیدی اختیارات کے تحت استعمال نہیں کرسکتے۔ درخواستگزار کے وکیل نے موقف دیا کہ میں عدالت کو مطمئن کروں گا مہلت دی جائے۔عدالت نے مزید سماعت یکم مارچ تک ملتوی کردی۔ ڈی ایس پی عبدالمجید عباس کو 2015 میں شہید کردیا گیا تھا۔مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.