پنجاب میں بلدیاتی انتخابات15مئی کو کروانے کی تجویز‘انتخابات دومراحل میں کروائے جائیں گے.محمود الرشید
صوبائی حکومت بلدیاتی انتخابات کرانے کے لیے تیار ہے الیکشن کمیشن کو اپنی تیاری سے آگاہ کر دیا ہے‘دونوں مراحل ایک ماہ کے اندر اندر مکمل ہونگے. وزیر بلدیات پنجاب
میاں محمد ندیم جمعرات 20 جنوری 2022 13:17
(جاری ہے)
محمود الرشید نے کہا کہ بلدیاتی انتخابات کا دوسرا مرحلہ ایک ماہ کے اندر اندر کرایا جائے گا انہوں نے کہا کہ حلقہ بندیوں کا عمل جاری ہے، الیکشن کمیشن پنجاب میں حلقہ بندیوں کی حتمی فہرستیں 22 مارچ کو جاری کرے گا پی ٹی آئی حکومت نے پنجاب لوکل گورنمنٹ ایکٹ 2013 کے تحت بنائی گئی مقامی حکومتوں کو 4 مئی 2019 کو تحلیل کردیا تھا. تاہم اس وقت کی مقامی حکومتوں کے نمائندوں کی درخواستوں پر سپریم کورٹ نے مختصر حکم نامے میں گزشتہ سال 25 مارچ کو پنجاب لوکل گورنمنٹ 2019 کے سیکشن 3 کو آئین کے خلاف قرار دے دیا تھا سپریم کورٹ کے حکم کے مطابق محکمہ بلدیات نے مقامی حکومتوں کو پنجاب لوکل گورنمنٹ ایکٹ 2013 کے تحت بحال کر دیا تھا کیونکہ زیادہ تر مسلم لیگ (ن) سے تعلق رکھنے والے بلدیاتی نمائندوں کی مدت ملازمت مکمل ہونے سے تقریباً 30 ماہ قبل پی ٹی آئی حکومت نے 4 مئی 2019 کو مقامی حکومتوں کو دوبارہ تشکیل دیا تھا اور لوکل گورنمنٹ ایڈمنسٹریٹر مقرر کیے تھے. گزشتہ سال جولائی میں سپریم کورٹ کے تفصیلی فیصلے کے بعد پنجاب حکومت نے 18 اکتوبر کو پنجاب لوکل گورنمنٹ ایکٹ 2013 کے تحت مقامی حکومتوں کو بحال کر دیا تھا اور سابق بلدیاتی نمائندوں نے اپنے عہدے سنبھال لیے تھے31 دسمبر کو سابق بلدیاتی نمائندوں کی میعاد بالآخر ختم ہوئی اور پنجاب حکومت نے صوبے میں مقامی حکومتوں کی تحلیل کا نوٹی فکیشن جاری کر دیا اور نئے نمائندوں کے انتخاب تک ایڈمنسٹریٹر مقرر کر دیے. ذرائع کا کہنا ہے کہ محکمہ بلدیات کا منصوبہ تھا کہ وہ آئندہ بلدیاتی انتخابات کے بعد ہی پی ٹی آئی حکومت کے منتقلی کے منصوبے پر واپس آئے گا پنجاب لوکل گورنمنٹ کا نیا آرڈیننس پنجاب اسمبلی میں پہنچ چکا ہے اور اسپیکر پنجاب اسمبلی چوہدری پرویز الہیٰ نے پی ٹی آئی حکومت سے اپوزیشن کو اعتماد میں لینے کو کہا تھا فی الوقت حکومت اور اپوزیشن کے درمیان مشاورت جاری ہے. اس سے قبل وزیر بلدیات محمود الرشید نے وزیر اعلیٰ عثمان بزدار سے ان کے دفتر میں ملاقات کی اور بلدیاتی انتخابات کے انعقاد پر تبادلہ خیال کیا وزیر اعلیٰ نے اس بات کی توثیق کی کہ پنجاب حکومت بلدیاتی انتخابات بلاتاخیر کرانے کے لیے پرعزم ہے انہوں نے مزید کہا کہ نیا لوکل گورنمنٹ ایکٹ صوبے میں ترقی کے دور کا آغاز کرے گا اور عوامی مسائل ان کی دہلیز پر حل ہوں گے. ان کا کہنا تھا کہ براہ راست انتخابات بلدیاتی اداروں کی سیاست میں حقیقی تبدیلی کو یقینی بنائیں گے عثمان بزدار نے کہا کہ نیا قانون ولیج کونسلز اور نیبر ہڈ کونسلز کے ذریعے بروقت مسائل کو حل کرنے کے لیے سخت محنت کے ساتھ وضع کیا گیا ہے.
مزید اہم خبریں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.