سرگودھا و گرد ونواح میں ہلکی ،تیز بارش ،موسم خوشگوار ،سردی کی شدت میں اضافہ ہو گیا

ہفتہ 22 جنوری 2022 12:30

سرگودھا و گرد ونواح میں ہلکی ،تیز بارش ،موسم خوشگوار ،سردی کی شدت میں ..
سرگودھا(اُردو پوائنٹ اخبارتازہ ترین - این این آئی۔ 22 جنوری2022ء) سرگودھا اور گرد ونواح میں وقفہ وقفہ سے ہلکی اور تیز بارش سے علاقے جل تھل موسم خوش گوار اور سردی کی شدت میں اضافہ ہو گیاجبکہ بعض علاقوں میں رات بھر دھند کے باعث لوگوں کو آمدورفت میں مشکلات کا سامنا رہا۔

(جاری ہے)

زرائع کے مطابق سرگودھا شہر اور گردونواح میں وقفہ وقفہ سے ہلکی اور تیز بارش کا سلسلہ جاری رہا جس کے باعث علاقے جل تھل اور موسم خوش گوار ہونے کے ساتھ ٹھنڈی ہواؤں سے سردی کی شدت میں اضافہ ہو گیا۔

جبکہ بعض علاقوں میں رات بھر دھند کے باعث لوگوں کو آمدروفت میں شدید مشکلات کا سامنا رہا اور صبع دن چڑھنے سے قبل شروع ہونے والی کہیں ہلکی اور کہیں تیز بارش کی وجہ سے سکولز‘ کالجز اور دفاتر میں جانے والوں کو دشواری سے حاضرہ کم رہی بازاروں میں بھی لوگوں کا رش کم دیکھنے میں آیا سردی کی شدت کے باعث لوگ گھروں میں دبکے رہے اور سوئی گیس کی بدترین بندش نیشہریوں کی مشکلات میں اضافہ کر دیا جو موسمی پکوان سے لطف اندوز نہ ہو سکے۔

متعلقہ عنوان :