آپ کامیابی کے مستحق تھے، رمیز راجہ کی آف دی ایئر کا اعزاز حاصل کر نے پر محمد رضوان کو مبارکباد

اتوار 23 جنوری 2022 15:20

اسلام آباد (اُردو پوائنٹ اخبارتازہ ترین - این این آئی۔ 23 جنوری2022ء) چیئرمین پاکستان کرکٹ بورڈ رمیز راجا نے آئی سی سی ٹی ٹوئنٹی انٹرنیشنل کرکٹر آف دی ایئر کا اعزاز حاصل کرنے والے پاکستان کے وکٹ کیپر بیٹر محمد رضوان کیلئے خصوصی پیغام میں مبارکبا ددیتے ہوئے کہا ہے کہ آپ اس کامیابی کے مستحق تھے۔

(جاری ہے)

اتوار کو رمیز راجا نے اپنی ٹوئٹ میں محمد رضوان کو پاکستان کا نام فخر سے بلند کرنے پر مبارکباد دی، ساتھ ہی انہوں نے لکھا کہ آپ اس کامیابی کے مستحق تھے۔

چیئرمین پی سی بی نے کرکٹر کے لیے لکھا کہ آپ کی عاجزی، رویہ اور محنت آپ کی خاصیت ہے۔رمیز راجا نے رضوان کیلئے مستقبل میں مزید کامیابی اور اعزازات کے لیے دعا بھی کی۔خیال رہے کہ آئی سی سی نے محمد رضوان کو گزشتہ سال 1326 ٹی ٹوئنٹی انٹرنیشنل رنز بنانے پر سال کا بہترین کھلاڑی قرار دیا ہے۔