وزیر اعظم آزاد کشمیر کی ہدایت پر بارشوں اور برفباری کے سلسلے کے دوران متعلقہ ادارے ہائی الرٹ

اتوار 23 جنوری 2022 18:20

مظفرآباد (اُردو پوائنٹ اخبارتازہ ترین - این این آئی۔ 23 جنوری2022ء) وزیر اعظم آزاد کشمیر سردار عبدالقیوم نیازی کی ہدایت پر آزاد کشمیر میں جاری بارشوں اور برفباری کے سلسلے کے دوران انتظامیہ، ریسکیو، محکمہ شاہرات، محکمہ برقیات سمیت دیگر متعلقہ ادارے ہائی الرٹ۔تمام اضلاع کی انتظامیہ کی جانب سے وزیر اعظم آفس کو رپورٹس بھیجی جارہی ہیں۔

(جاری ہے)

وزیر اعظم آزاد کشمیر کی ہدایات کی روشنی میں انتظامیہ، ریسکیو، محکمہ شاہرات ودیگر متعلقہ ادارے بالائی علاقوں میں شاہرات کی بحالی کے لیے موجود ہیں تاہم بالائی علاقوں میں شدید برفباری کی وجہ سے شاہرات کی بحالی کا کام تعطل کا شکار ہے۔ موسمی صورتحال کے تناظر میں SDMA اور تمام اضلاع کے ایمرجنسی آپریشن سینٹر مکمل فعال ہیں۔ داخلی راستوں پر سیاحوں کے لئے ٹوریسٹ پولیس کے خصوصی ڈیسک قائم کر دیے گئے ہیں۔ محکمہ برقیات کا عملہ بھی بجلی کو بحال رکھنے کے لیے سرگرم عمل ہے۔