آسٹریلیا کے ساتھ ٹیسٹ میچز ایک ہی وینیو پرکرانا ناممکن :پی سی بی

لاہور (اردو پوائنٹ تازہ ترین اخبار ۔ 25 جنوری 2022ء ) پاکستان کرکٹ بورڈ (پی سی بی) کا کہنا ہے کہ آسٹریلیا کے دورہ پاکستان میں ٹیسٹ میچز ایک ہی وینیو پر کرانا ممکن نہیں ہے ۔ ترجمان پی سی بی کے مطابق 19 دن کی انٹرنیشنل کرکٹ ایک ہی شہرمیں کرانا ممکن نہیں اس لئے آسٹریلیا کیخلاف تمام ٹیسٹ میچز ایک ہی شہرمیں نہیں ہوسکتے۔ اس حوالے سے کوئی تجویز زیرغور نہیں ہے۔

پی سی بی آفیشل کا کہنا تھا کہ کراچی، لاہور اور راولپنڈی میں تمام شرکاء کے لیے محفوظ اور محفوظ ماحول پیدا کرنے کے لیے تمام کوششیں کر رہے ہیں ۔

(جاری ہے)

عہدیدار نے مزید کہا کہ NCOC سٹیڈیم میں شائقین کی حاضری کے بارے میں وقت کے قریب آنے پر فیصلہ کرے گا۔ واضح رہے کہ آسٹریلیا 3 مارچ سے 5 اپریل تک پاکستان میں تین ٹیسٹ، تین ون ڈے اور ایک ٹی ٹونٹی کھیلے گا۔

آسٹریلیا کے خلاف ٹیسٹ میچز کراچی، لاہور اور راولپنڈی میں شیڈول ہیں۔ ٹیسٹ میچز آئی سی سی ورلڈ ٹیسٹ چیمپئن شپ کا حصہ ہوں گے جب کہ ون ڈے 2023ء ورلڈ کپ کوالیفکیشن کا حصہ ہوں گے ،آسٹریلیا کی کرکٹ ٹیم 1998ء کے بعد پہلی بار پاکستان کا دورہ کرے گی۔