کورونا وبا کے دوران امریکا کی عالمی ادارہ صحت کی فنڈنگ میں کمی

عالمی ادارہ صحت کو فنڈنگ کے حوالے سے جرمنی نے امریکا کو پیچھے چھوڑدیا،غیرملکی میڈیا

بدھ 26 جنوری 2022 20:40

نیویارک(اُردو پوائنٹ اخبارتازہ ترین - این این آئی۔ 26 جنوری2022ء) کورونا وبا کے دوران امریکا کی عالمی ادارہ صحت (ڈبلیو ایچ او)کی فنڈنگ میں 25 فیصد کمی دیکھی گئی۔

(جاری ہے)

غیرملکی میڈیارپورٹس کے مطابق عالمی ادارہ صحت کو فنڈنگ کے حوالے سے جرمنی نے امریکا کو پیچھے چھوڑدیا، جرمنی نے گزشتہ دو سال میں ڈبلیو ایچ او کو ایک بلین ڈالر سے زائد فنڈنگ کی۔ گزشتہ دو سالوں میں امریکا نے 672 ملین ڈالر فنڈنگ کی مد میں دیے، جبکہ 19-2018 میں یہ فنڈنگ 893 ملین ڈالر رہی تھی۔امریکا کی جانب سے ڈبلیو ایچ او کو کی جانے والی فنڈنگ 2020 میں ٹرمپ انتظامیہ کے دور میں سب سے زیادہ کم رہی اور رضاکارانہ عطیات میں بھی کمی دیکھی گئی، جبکہ 2021 میں صدر جو بائیڈن کے اقتدارمیں آنے کے بعد یہ فنڈنگ بڑھی۔