شراب کے نشے میں دھت موٹروے پر گاڑی چلانے والے ڈرائیورز کی شامت آگئی

علاوہ ازیں موٹروے اینڈ ہائی وے پولیس کی جانب سے قومی شاہراہوں پر ٹریفک نظام کو بہتر انداز میں چلانے اور حادثات روکنے کیلئے سخت اقدامات کا فیصلہ کیا گیا ہے ، جس کے تحت موٹروے پولیس کی جانب سے ٹریفک قوانین کی خلاف ورزیوں میں ملوث ڈرائیورز پر عائد جرمانوں میں اضافہ کر دیا گیا ہے ، آئندہ سے موٹروے اور دیگر قومی شاہراہوں پر ٹریفک قوانین کی خلاف ورزی میں ملوث ہونے پر موٹر سائیکل سواروں پر 1500 روپے، کار ڈرائیور پر 2500 روپے، ایچ ٹی وی کیلئے 5 ہزار روپے اور پبلک ٹرانسپورٹ گاڑیوں کیلئے 10 ہزار روپے جرمانہ ہو گا۔

موٹروے پولیس کے مطابق قومی شاہراہوں پر ہلکی گاڑیوں کی زیادہ سے زیادہ رفتار کی حد 120 کلومیٹر فی گھنٹہ اور بھاری گاڑیوں کے لئے 110 کلومیٹر فی گھنٹہ مقرر ہے ، اس کے علاوہ پبلک ٹرانسپورٹ گاڑیوں پر جائز حد سے زائد مسافروں کو سوار کروانے پر بھی پابندی عائد ہے ، جائز حد سے زیادہ مسافروں کو لے جانے والی پبلک ٹرانسپورڑ کی گاڑیوں پر 5 ہزار روپے جرمانہ عائد کیا جائے گا ، موٹر ویز یا شاہراہوں پر بغیر ہیلمٹ کے موٹر سائیکل چلانے والوں کیخلاف ہر صورت قانونی کاروائی عمل میں لائی جائے گی۔

مزید یہ کہ آئندہ سے بنا لائسنس کے کسی بھی قومی شاہراہ پر ڈرائیونگ کرنے والے افراد کیخلاف بھی سخت ایکشن لیا جائے گا ، بغیر لائسنس ڈرائیونگ کرنے والے موٹر سائیکل سواروں، کاروں اور ایل ٹی وی ڈرائیوروں پر 5ہزار روپے جرمانہ عائد کیا جائے گا ، جب کہ ایچ ٹی وی اور پبلک ٹرانسپورٹ گاڑیوں کے ڈرائیوروں پر بنا لائسنس ڈرائیونگ کرنے پر 10ہزار روپے جرمانہ عائد ہو گا ، اس لیے شہریوں کو تلقین کی گئی ہے کہ قومی شاہراہوں پر ڈرائیونگ کرتے وقت تمام ٹریفک قوانین کا احترام کرتے ہوئے ان پر ہر صورت عمل کریں۔