مقبوضہ کشمیر کے مظلوم ونہتے عوام کو وزیر اعظم عمران خان کی تقریروں کی ضرورت نہیں ، اسد اللہ بھٹو
`انتہائی افسوس کا مقام ہے کہ وزیر اعظم 5 فروری کے دن پاکستان میں ہی موجود نہیںہیں ،مقبوضہ کشمیر قراردادوں سے نہیں عملی اقدامات سے آزاد ہوگا،مرکزی نائب امیر جماعت اسلامی پاکستان
اتوار 6 فروری 2022 00:11
(جاری ہے)
ریلی سے امیرجماعت اسلامی کراچی حافظ نعیم الرحمن ،نائب امیر کراچی ڈاکٹر اسامہ رضی ،ڈپٹی سکریٹریز کراچی عبد الرزاق خان ، یونس بارائی ،امیر ضلع کورنگی عبد الجمیل ودیگر نے بھی خطاب کیا ۔
ریلی میں شہر بھر سے بچے، بوڑھے جوان مرد و خواتین سمیت عوام نے بڑی تعداد میں مظلوم و نہتے کشمیری ماؤں بہنوں اور بیٹیوں سے اظہار یکجہتی کے لیے شرکت کی ۔ریلی کے شرکاء نے ہاتھوں میں بینرز اور پلے کارڈز اٹھائے ہوئے تھے جن پرمظلوم کشمیری عوام سے اظہار یکجہتی اور حکومت کی ناقص پالیسیوں کے خلاف نعرے درج تھے۔ریلی میں قائدین نے ہاتھوں میں بڑا سا بینر اٹھایا ہوا تھا جس پر تحریر تھا کہ کشمیر میں بھارتی دہشت گردی۔ عالمی ادارے خاموش اورSTOP GENOCISE IN KASHMIR تحریر تھا۔اسد اللہ بھٹو نے مزیدکہاکہ قاضی حسین احمد مرحوم نے پہلی بار5 فروری کو پاکستان میں ہڑتال کرکے کشمیریوں سے اظہار یکجہتی کا دن منایا تھا،تاریخی،تہذیبی و علاقائی طور پر کشمیر ہمیشہ سے پاکستان کا حصہ رہا ہے،مظلوم کشمیریوں نے ہمیشہ پاکستانیوں سے والہانہ محبت کا اظہار کیا،کشمیری عوام شہید ہونے کے بعد پاکستانی پرچم میں دفن ہونا پسند کرتے ہیں ،آزاد کشمیر ایسا خطہ ہے جہاں سے پورے پاکستان میں پانی ملتا ہے،مظلوم کشمیریوں کا سب سے بڑا جرم کلمہ طیبہ ہے ۔حافظ نعیم الرحمن نے کہاکہ 5 فروری کو یکجہتی کشمیر پاکستان سمیت تمام عالم اسلام میں منایا جارہا ہے،5 فروری ہر سال ’’یوم یکجہتی کشمیر ‘‘کے طور پر منایا جاتا ہے،پوری دنیا کے سامنے بھارتی جارحیت اجاگر کرنا لازمی ذمہ داری ہے،حکومت کا کام یہ ہے کہ ریاستی طور پر بین الاقوامی قانون کے تحت اقدامات کرے،پوری دنیا میں سفارتی محاذ پر بھارتی مظالم کو بے نقاب کرے،موجودہ حکومت جتنا بجٹ فوج کے لیے رکھتی ہے کیا اتنا بجٹ سفارتی محاذ کے لیے رکھتی ہی ،وزیر اعظم عمران خان صرف تقریر کرکے سمجھتے ہیں کہ انہوں نے حق ادا کردیا ،ایسا محسوس ہوتا ہے کہ حکمرانوں نے اندرون خانہ مک مکا کرلیا ہے،کیا وجہ ہے کہ پاکستانی فوج کو محاذ پر نہیں بھیجاجاتا،آدھا کشمیر جنگ کے ذریعے سے ہی آزاد کروایا گیا تھابقیہ کشمیر بھی جہاد کے ذریعے سے ہی آزاد کروائیں گے ۔انہوں نے کہاکہ 74 سال بعد بھی کشمیریوں کو حق خود ارادیت نہیں دیا گیا،جنوبی سوڈان،مشرقی تیمور کے معاملے پر فیصلہ کردیا جاتا ہے لیکن اسلامی ممالک کشمیر کے معاملے میں کوئی آواز بلند نہیں کرتے،کشمیریوں کے لیے اقوام متحدہ سمیت سفارتی محاذ پر بھی لڑنا ہوگا،لائن آف کنٹرول کی کوئی حیثیت نہیں،بین الاقوامی قوانین کے مطابق کشمیر میں غاصب افواج کے مقابلے میں پاکستانی افواج سری نگر میں اتارنا غلط نہیں ہے،معیشت کا رونا رو کر غیرت کا جنازہ نہ نکالا جائے،ہم کشمیر کے مظلوم کشمیریوں کی جدوجہد کے ساتھ ہیں۔ڈاکٹر اسامہ رضی نے کہاکہ کراچی کے ساڑھے تین کروڑ عوام سمیت پورا ملک کشمیریوں سے یکجہتی کا دن منارہا ہے،کشمیری عوام بھارتی افواج کے سامنے ڈٹ کر مقابلہ کررہے ہیں،کشمیریوں کی استقامت و جرات اس بات کی نوید ہے کہ کشمیر پاکستان کا حصہ بن کر رہے گا۔عبدا لرزاق خان نے کہاکہ 5 فروری کوشہر کراچی میں ہزاروں افراد کشمیریوں سے اظہار یکجہتی کے لیے نکلے ہیں ،کشمیر امت مسلمہ کا دھڑکتا ہوا دل ہے۔یونس بارائی نے کہاکہ آج کراچی کے شہری مظلوم کشمیریوں سے اظہار یکجہتی کے لیے نکلے ہیں،کراچی سمیت پاکستان کا بچہ بچہ جانتا ہے کہ کشمیر پاکستان کا حصہ ہے،کشمیریوں کا حق خودارادیت انہوں نے اپنی جدوجہد سے ہی حاصل کیا ہے،آزاد کشمیر بھی جنگ سے حاصل کیا گیا تھا مقبوضہ کشمیر بھی جنگ سے ہی حاصل کیا جائے گا،بین الاقوامی چارٹر کے مطابق پاکستان حق رکھتا ہے کہ وہ کشمیر کو حاصل کرے۔عبد الجمیل نے کہاکہ 5 فروری کا دن پوری دنیا میں کشمیریوں سے اظہار یکجہتی کے طور پر منایا جاتا ہے،قاضی حسین احمد مرحوم نے پاکستان میں 5 فروری کو دن سرکاری طور پر کشمیریوں سے اظہار یکجہتی کے لیے منظور کروایاتھا ،ماضی کے اور موجودہ حکومتی نمائندوں نے کشمیر کاز پر کچھ نہیں کیا،پاکستان میں وزارت خارجہ اور کشمیر پالیسی کوئی کام نہیں کررہی۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.