’’عمران خان نے آج کوئی سرپرائز نہیں دیا لیکن ہم نے انہیں سرپرائز دیا ہے‘‘

اسلام آباد(اُردو پوائنٹ، اخبار تازہ ترین، 27مارچ 2022) عمران خان نے آج کوئی سرپرائز نہیں دیا لیکن نواب بگٹی کی صورت میں ہم نے انہیں سرپرائز دیا ہے، آج بازی ہمارے ہاتھ میں ہے، ہم تمہیں کس چوراہے پر کھڑا کردیں یہ ہمارا اختیار ہے، مولانا فضل الرحمان کا جلسے سے خطاب۔ تفصیلا ت کے مطابق مولانا فضل الرحمان نے کہا ہے کہ عمران خان نے آج کوئی سرپرائز نہیں دیا لیکن نواب بگٹی کی صورت میں ہم نے انہیں سرپرائز دیا ہے۔

اسلام آباد میں جمیعت علماء اسلام کے جلسے سے خطاب کرتے ہوئے مولانا فضل الرحمان نے کہا کہ عدم اعتماد پارلیمنٹ کامعاملہ ہے تمہارے دن گنےجا چکے ہیں کہا تھا قوم کو سرپرائز دیں گے کوئی پتہ چلا کہ سرپرائز آیا ہے نواب بگٹی کےذریعے سرپرائز انہیں ضرور ملا ہے ابھی اور بھی گریں اور انہیں سرپرائز ملیں گے۔

(جاری ہے)

مولانافضل الرحمان کا کہنا تھا کہ پاکستان کو کمزور کرنا امریکا کی پالیسی تھی پانامالیکس جب آئی تھی تو کہا تھا جو کچھ ہو رہا ہے ایجنڈےکےتحت ہے میں نے2017 میں کہا تھا ایجنڈے کے تحت پاکستان میں عدم استحکام آئے گا پانامالیکس آئی اور اقامہ کے نام پر نکالا گیا پانامالیکس کےذریعےسیاسی عدم استحکام لیا گیا اور عمران خان کے ذریعے معاشی عدم استحکام لایا گیا۔

انہوں نے کہا کہ کہتے ہیں کسی کو نہیں چھوڑوں گا اپنی فکر کو ہم تمہیں نہیں چھوڑیں گے آج تم ہماری گرفت میں ہو ہم تمہیں کس چوراہے پر کھڑا کر دیں یہ ہمارا اختیار ہے عمران خان تم نےہمیں آئی ایم ایف اور فیٹف کا غلام بنا دیا اسٹیٹ بینک کو خودمختاری کے نام پرآئی ایم ایف کےحوالےکر دیا ہماری تاریخ ایسی غلامی کیخلاف جہاد کیلئے ہے قبول کرنے کیلئے نہیں۔