پی ٹی آئی کی اتحادی جماعت جی ڈی اے کا قومی اسمبلی سے مستعفی ہونے سے انکار

جی ڈی اے کا فیصلہ اور کمٹمنٹ عمران خان کیخلاف تحریک عدم اعتماد کی حمایت نہ کرنے کی تھی اور وہ کمٹمنٹ پوری کی ہے، ترجمان

منگل 12 اپریل 2022 01:35

اسلام آباد (اُردو پوائنٹ اخبارتازہ ترین - این این آئی۔ 12 اپریل2022ء) پاکستان تحریک انصاف کی اتحادی جماعت گرینڈ ڈیموکریٹک الائنس (جی ڈی ای) نے قومی اسمبلی سے استعفے دینے سے انکار کردیا۔ ترجمان جی ڈی اے کے مطابق جی ڈی اے کا فیصلہ اور کمٹمنٹ عمران خان کیخلاف تحریک عدم اعتماد کی حمایت نہ کرنے کی تھی اور وہ کمٹمنٹ پوری کی ہے۔

(جاری ہے)

جی ڈی اے کے ترجمان سردار عبدالرحیم نے بتایا کہ عمران خان کے خلاف تحریک عدم اعتماد پر پی ٹی آئی کے ساتھ رہے ہیں، اسمبلی سے استعفے دینے کا فی الحال کوئی فیصلہ نہیں کیا۔

سردار عبدالرحیم نے کہا کہ جی ڈی اے کا فیصلہ اور کمٹمنٹ عمران خان کے خلاف تحریک عدم اعتماد کی حمایت نہ کرنے کی تھی اور جی ڈی اے نے اپنی کمٹمنٹ پوری کی ہے، آئندہ کے لائحہ عمل کا فیصلہ پیر صاحب پگارا جی ڈی اے اجلاس میں کریں گے اس سلسلے میں جی ڈی اے کا اجلاس جلد بلایا جائیگا۔