عمران خان کو بدزبانی کے سوا کچھ نہیں آتا، ریاستی معاملات سنجیدگی سے چلاتے تو آج حکومت کر رہے ہوتے،خواجہ سعد رفیق
جمعہ 22 اپریل 2022 17:01
(جاری ہے)
انہوں نے کہا کہ عمران خان نے پاکستان کے اداروں کو کمزور کیا،کشمیر مودی کی جھولی میں ڈال دیا، لندن کے میئر کے انتخابات میں صادق خان کی مخالفت کی اور وہ جس مراسلہ کا آج کل جلسوں میں ذکر کرتے ہیں وہ کسی عدالت میں بھیجیں،حکومت سے نکلنے کی سازش عمران خان نے خود تیار کی، اس کے رویہ سے اتحادی اور اس کی پارٹی کے ارکان مایوس تھے۔
عمران خان کو اس کی نالائقی، نااہلی،ناتجربہ کاری اور تکبر کی بنا پر نکالا گیا، حکومت سے نکالنے کا سہرا اتحادی جماعتوں کے 17 اور ان کی اپنی پارٹی کے 20 منحرف ارکان کے سر ہے، اتحادی اور منحرف ارکان کہتے ہیں کہ عمران خان ان سے ہاتھ تک نہیں ملاتے تھے۔انہوں نے کہا کہ عمران خان نے ایسا کون سا کام کیا کہ وہ جلسوں میں کہتا ہے کہ مجھے سازش کے تحت نکالا گیا۔خواجہ سعد رفیق نے میاں نواز شریف کا حوالہ دیتے ہوئے کہا کہ نواز شریف نے ایٹمی دھماکے کئے تو ان کی حکومت کو گرا دیا گیا۔ دوسری بار سی پیک بنانے پر حکومت گرائی گئی۔ حکومت گرانے کی یہ باتیں تو سمجھ میں آتی ہیں لیکن عمران خان نے کیا کارنامہ انجام دیا ہے کہ ان کی حکومت کو گرانا پڑا۔ انہوں نے کہا کہ عمران خان نے ملک کو قرضوں کے بوجھ تلے دبا دیا، ملکی تاریخ کے 70برس میں اتنا قرضہ نہیں لیا گیا جتنا عمران خان حکومت کے دور میں لیا گیا، ملک 50 سال پیچھے چلا گیا ہے ۔وفاقی وزیر نے کہاکہ عمران خان کا یہ کہنا کہ عدالتیں رات کو کیوں کھلیں تو اس کا جواب یہ ہے کہ جب آپ قانون کی کھلم کھلا خلاف وزری کریں گے تو عدالتیں اپنی آئینی ذمہ داری پوری کریں گی، مرضی کا فیصلہ نہ آئے تو آپ برداشت نہیں کرتے۔ نیب کے حوالے سے خواجہ سعد رفیق نے کہا کہ میری ذاتی رائے میں نیب کو ختم کرنا چاہئے، نیب کے ذریعے سرکاری افسروں، شہریوں اور سیاستدانوں کو ٹارگٹ کیا گیا جس سے انسانی حقوق پامال ہوئے۔ انہوں نے کہا کہ ہم کسی سے انتقام نہیں لیں گے لیکن عمران خان کی الزام تراشی کا جواب ضرور دیں گے۔توشہ خانہ کے حوالے سے انہوں نے کہا کہ اگر آپ نے کوئی چیز خرید لی ہے تو اس کو گھر میں رکھیں، بیچی ہوئی گھڑیاں انہی کے پاس چلی گئیں جنہوں نے اسے تحفہ میں دیا تھا، اس سے ملک کی بدنامی ہوئی۔وفاقی وزیر نے کہا کہ عمران خان کے لیٹر پر کمیشن بنائیں گے ،عمران خان اگر خود عدالت جانا چاہیں تو چلے جائیں۔انہوں نے کہا کہ چوہدری شجاعت معزز سیاستدان ہیں، چوہدری شجاعت اورطارق بشیر چیمہ نے اپنی زبان کی پاسداری کی، چوہدری سالک حسین اپنے والد کی تصویر ہے ایسے لوگوں کو آگے آنا چاہئے۔صدر مملکت کے انتخاب کے حوالے سے وفاقی وزیر نے کہا کہ پیپلز پارٹی اور جے یو آئی(ف) ہمارے اتحادی ہیں، متحدہ اپوزیشن صدر کے عہدہ کیلئے متفقہ فیصلہ کرے گی۔ گورنر پنجاب کے حوالے سے انہوں نے کہا کہ عمر سرفراز چیمہ سیاسی ورکر ہیں، آخری دنوں میں انہیں گورنر بنایا گیا ہے تو انہیں موجودہ کردار ادا نہیں کرنا چاہئے۔ایم ایل ون منصوبہ کے حوالے سے وفاقی وزیر خواجہ سعد رفیق نے کہا کہ پیچھلے 4 سال میں اس پر کچھ کام نہیں ہوا ایک قدم بھی آگے نہیں گئے ،جہاں کام چھوڑا تھا وہی پر ہے، پاکستان کا مستقبل اس منصوبے کے ساتھ وابستہ ہے۔انہوں نے کہا کہ ریلوے ملازمین کو وقت پر تنخوائیں ملیں گی، فنڈز کا انتظام کر لیا گیا ہے، ریلوے میں سٹرکچرل ریفا ر مز کی طرف توجہ دیں گے، ریلوے کا انجن سٹارٹ کر دیا ہے چند د نوں میں ادارہ فعال ہو جائے گا، ساری انرجی کام پر لگانی ہے ایک لمحہ بھی ضائع نہیں کریں گے، ریلوے میں بہت سارے منصو بوں پر پیش رفت نہیں ہوئی اور یہ منصوبے 4 سال تاخیر کا شکار ہوئے اب ان منصوبوں کو مکمل کریں گے، ریلوے میں کسی افسر کو نکالا نہیں جائے گا۔مزید اہم خبریں
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.