پی سی بی سربراہ رمیزراجہ کی کرسی ہلانے کیلئے قانونی حربوں پر غور
کابینہ اور وزارت بین الصوبائی رابطہ کے ذریعے بورڈ آئین میں ترمیم جلد ہوگی
ذیشان مہتاب منگل 26 اپریل 2022 11:44
(جاری ہے)
گزشتہ ہفتے ان کے مستقبل کا کوئی فیصلہ متوقع تھا مگر غیر یقنی کی صورتحال برقرار رہی، اب رواں ہفتے کوئی پیش رفت سامنے آسکتی ہے، یاد رہے کہ پی سی بی آئین میں کوئی ایسی شق نہیں کہ پیٹرن انچیف موجودہ چیئرمین کی نامزدگی واپس لے سکیں، اس کا صرف ایک ہی راستہ ہے کہ تحریک عدم اعتماد میں 4/3 کی اکثریت سے بورڈ کے سربراہ کو رخصتی کا پروانہ جاری کردیا جائے، سابقہ آئین میں حکومت نامزدگی واپس لے سکتی تھی۔
ذرائع کا کہنا ہے کہ اس رکاوٹ کو دور کرنے کیلیے آئین کی شق 47 کا سہارا لینے پر غور کیا جارہا ہے جس کے تحت حکومت کسی قانون کو ختم یا تبدیل کرنے یا کسی شق میں ترمیم کرنے کا حق استعمال کرسکتی ہے، اس حوالے سے سوشل میڈیا پر اپنے پیغام میں سابق کپتان راشد لطیف نے کہا کہ کابینہ اور وزارت برائے بین الصوبائی رابطہ امور کے ذریعے پی سی بی آئین میں ترمیم جلد ہونے والی ہے۔ انھوں نے مزید وضاحت کرتے ہوئے کہا کہ حکومت کے 2 نمائندے اور گورننگ بورڈ کے 2 ارکان وزیر اعظم کے نامزد کسی شخص کو چیئرمین منتخب کریں گے، سابق کپتان نے کہا کہ صرف ایک متنازع نوٹیفکیشن کے تحت مکمل کی جانے والی یہ کارروائی غیر جمہوری، غیر آئینی اور من مانی ہوگی۔ یاد رہے کہ اس غیریقینی صورتحال میں بھی چیئرمین پی سی بی رمیزراجہ کام جاری رکھے ہوئے ہیں۔ گزشتہ دنوں ڈائریکٹرز اورجنرل منیجرز سے ملاقات میں بھی انھوں نے کہا تھا کہ مجھے عہدے پر برقرار رکھا گیا ہے، اس لیے اب غیر یقینی صورتحال کا خاتمہ ہوجانا چاہیے، معمول کے مطابق اپنی سرگرمیاں جاری رکھیں، انھوں نے یہ نہیں بتایا کہ ان کو کس نے کام جاری رکھنے کیلیے کہا تھا۔ دوسری جانب بورڈ ملازمین کے ذہنوں میں خدشات موجود ہیں مگر فی الحال سبھی اپنی ذمہ داریاں جاری رکھے ہوئے ہیں، ملک میں ڈومیسٹک یا انٹرنیشنل کرکٹ نہ ہونے کی وجہ سے ابھی کام کا زیادہ دباؤ نہیں،اس لیے بے چینی کی لہر کا اندازہ نہیں ہوسکتا۔مزید کھیلوں کی خبریں
-
ٹی ٹونٹی ورلڈ کپ: نیویارک کے سٹیڈیم کی پچ کنڈیشن، تکمیل کی تاریخ، ٹکٹ کی قیمتیں سامنے آگئیں
-
نیوزی لینڈ کیخلاف چوتھے ٹی ٹونٹی میچ کیلئے ممکنہ پاکستانی پلیئنگ الیون سامنے آگئی
-
پی سی بی کا قابلِ ستائش اقدام، بے سہارا و یتیم بچوں کو میچ دیکھنے کی دعوت دیدی
-
شاداب خان نے نائب کپتان بننے کے حوالے سے خاموشی توڑ دی
-
شاداب خان پاکستانی بلے بازوں کو اپنا سٹرائیک ریٹ بہتر کرتا دیکھنے کے خواہاں
-
ہندوستانی ٹیم چیمپئنز ٹرافی 2025ء کیلئے پاکستان کا سفر نہیں کرے گی: بھارتی میڈیا رپورٹس
-
نووواک جوکووچ میڈرڈ اوپن ٹینس ٹورنامنٹ میں حصہ نہیں لیں گے
-
بھارتی کھلاڑی رانا سنگھ نے پاکستان کیخلاف نازیبا الفاظ استعمال کئے ، مجھے گالیاں اور دھکے دیئے اس لئے تھپڑ مارا ، پاکستانی فائٹر شاہ زیب رند
-
یو اے ای کے نوجوان بیڈمنٹن کھلاڑیوں نے بین الاقوامی ٹورنامنٹ جیت کرتاریخ رقم کر دی
-
آسٹریلین جونیئر اوپن اسکواش چیمپئن شپ میںمیڈلز جیتنے والے کھلاڑیوں کا پشاور پہنچنے پر تپاک اسقبال
-
پاکستان اورنیوزی لینڈ کی کرکٹ ٹیموں کے درمیان چوتھا ٹی ٹونٹی میچ 25 اپریل کو کھیلا جائے گا
-
پاکستان ماسٹر ٹین پن باؤلنگ چیمپئن شپ 27 اپریل سے راولپنڈی میں شروع ہوگی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.