سربراہ پاک بحریہ کی انڈو پیسیفک سی پاور کانفرنس میں شرکت

چیف آف دی نیول اسٹاف ایڈمرل محمد امجد خان نیازی آسٹریلیا کے سرکاری دورے پر ہیں

ہفتہ 14 مئی 2022 11:54

سربراہ پاک بحریہ کی انڈو پیسیفک سی پاور کانفرنس میں شرکت
اسلام آباد (اُردو پوائنٹ اخبارتازہ ترین۔ 14 مئی2022ء) چیف آف دی نیول اسٹاف ایڈمرل محمد امجد خان نیازی آسٹریلیا کے سرکاری دورے پر ہیں۔ دورے کے دوران نیول چیف نے آسٹریلیا کے شہر سڈنی میں منعقدانڈو پیسیفک سی پاور کانفرنس 2022 میں شرکت کی۔
     انڈو پیسیفک سی پاور کانفرنس کا مرکزی خیال"اکیسویں صدی میں انڈو پیسیفک میری ٹائم ڈومین کے مشترکہ مقاصد" تھا۔

(جاری ہے)

کانفرنس کا بنیادی مقصد میری ٹائم سیکٹر میں سمندری ماحولیاتی نظام اور بحری سیکیورٹی کو یقینی بنانے کے لئے باہمی اشتراک اور تعاون کی اہمیت کو اجاگر کرنا تھا۔انڈو پیسیفک کانفرنس میں 40 سے زائد بین الاقوامی بحری افواج کے وفود اور 700 کے قریب دفاعی صنعتی کمپنیوں نے شرکت کی۔

    کانفرنس کے دوران نیول چیف نے آسٹریلیا، فرانس، جاپان، کویت اور اسپین کی بحریہ کے سربراہان سے ملاقاتیں بھی کیں۔
     چیف آف دی نیول اسٹاف کا حالیہ دورہ، انڈوپیسیفک کانفرنس میں شریک بحری افواج کے ساتھ تعاون، علاقائی اور عالمی میری ٹائم سکیورٹی کو مزید مستحکم بنانے میں معاون ثابت ہوگا۔

متعلقہ عنوان :