چین اور امریکہ کے درمیان مشترکہ دوستوں کا حلقہ ہو سکتا ہے، چینی وزارت خارجہ

ہفتہ 14 مئی 2022 23:39

بیجنگ(اُردو پوائنٹ اخبارتازہ ترین - این این آئی۔ 14 مئی2022ء) چین کی وزارت خارجہ کے ترجمان چائولی جیان نے کہا ہے کہ چین اور امریکہ دونوں ایشیا پیسیفک ممالک ہیں اور ان کا مشترکہ ’’دوستوں کا حلقہ‘‘ہو سکتا ہے۔

(جاری ہے)

ہفتہ کے روز چینی میڈ یا کے مطابق ایک پریس کانفرنس میں انہوںنے کہاکہ وائٹ ہاؤس نے یو ایس-آسیان سربراہی کانفرنس کی حقائق کی فہرست جاری کرتے ہوئے کہا کہ امریکی صدر بائیڈن نے سربراہی کانفرنس میں 150 ملین امریکی ڈالر سے زیادہ کے اقدامات کے سلسلے کا اعلان کیا، جس میں انفراسٹرکچر، سیکیورٹی، انسداد وبا سے متعلق شعبوں کا احاطہ کیا گیا تھا تاکہ امریکہ-آسیان تعلقات کو مزید مضبوط بنایا جاسکے۔

چائولی جیان نے اس بات پر زور دیا کہ چین وسیع مشاورت، مشترکہ شراکت اور مشترکہ مفادات کے اصول پر کاربند ہے اور یکساں مشاورت کے رویہ کے ساتھ آسیان کی قیادت میں علاقائی تعاون کو فروغ دینے کے لیے کوشاں ہے۔چین کسی زیرو سم گیم میں ملوث نہیں ہے اور نہ ہی گروہی تصادم کو فروغ دیناچاہتا ہے۔ چین خطے میں طویل مدتی پائیدار ترقی اور مشترکہ خوشحالی کو فروغ دینے والے تعاون کے کسی بھی اقدام کا خیرمقدم کرتا ہے۔