قومی کرکٹر زاہد محمود کی والدہ انتقال کرگئیں

’میری جنت، میری ماں ہمیں چھوڑ کر چلی گئی ہے،میری والدہ کی مغفرت کے لیے دعا کریں‘: کرکٹر کا ٹویٹ

ذیشان مہتاب اتوار 15 مئی 2022 14:08

لاہور (اردو پوائنٹ تازہ ترین اخبار ۔ 15 مئی 2022ء ) گزشتہ برس انٹرنیشنل کرکٹ میں ڈیبیو کرنے والے قومی کرکٹر زاہد محمود کی والدہ انتقال کرگئیں ۔ زاہد محمود نے والدہ کے انتقال کی افسوسناک خبر مائیکرو بلاگنگ سائٹ ٹوئٹر پر دی۔ انہوں نے اپنے ٹوئٹ میں کہا کہ ’’میری جنت، میری ماں ہمیں چھوڑ کر چلی گئی ہے ۔ زاہد محمود نے اپیل کی کہ ’میری والدہ کی مغفرت کے لیے دعا کریں‘‘ ۔

(جاری ہے)

ٹیسٹ کرکٹر کامران اکمل اور عابد علی سمیت سوشل میڈیا صارفین کی جانب سے زاہد محمود کی والدہ کے انتقال پر گہرے دکھ کا اظہار کیا گیا ۔ واضح رہے کہ گزشتہ برس انٹرنیشنل کرکٹ میں ڈیبیو کرنے والے زاہد محمود نے اپنے پہلے ڈیبیو میچ میں 3 وکٹ حاصل کیے تھے۔