مونکی پاکس کے نئے کیسز سامنے آنے کے بعد یورپ، امریکا میں الرٹ جاری
برطانیہ، پرتگال، اسپین اور امریکا میں مونکی پاکس کے چند کیسز رپورٹ ہوئے ہیں،غیرملکی میڈیا
جمعہ 20 مئی 2022 13:11
(جاری ہے)
برطانیہ میں اس سے قبل ماضی میں مونکی پاکس کے کیسز رپورٹ ہوئے ہیں، ان تمام کیسز کا تعلق نائجیریا کے سفر سے سامنے آئے تھے اور اسی طرح امریکا میں بھی کیسز سامنے آئے تھے، 2003 میں وہاں ایک وبا پالتو کتوں کی ایک نسل سے ملی تھی جو گھانا سے درآمد کیے گئے تھے اور چھوٹے جانوروں کے ساتھ رکھا گیا تھا جن میں وائرس کی موجودگی کی تصدیق ہوئی تھی۔
امریکا کے میساچوسٹس ڈپارٹمنٹ آف پبلک ہیلتھ نے حال ہی میں کینیڈا کا سفر کرنے والے ایک شخص کے مونکی پاکس وائرس سے متاثر ہونے کی تصدیق کی ۔یو ایس سینٹرز فار ڈیزیز کنٹرول اینڈ پریوینشن (سی ڈی سی)نے بتایا کہ اس کی لیبارٹریز نے مونکی پاکس کے انفیکشن کی تصدیق کی ۔برطانیہ، پرتگال، اسپین اور امریکا میں مونکی پاکس کے چند کیسز رپورٹ ہوئے ہیں یا ان کیسز پر مونکی پاکس انفیکشن کا شبہ ہے۔رپورٹ کے مطابق اس وقت اس وبا کا سامنے آنا خطرے کی گھنٹی ہے جبکہ یہ وبائی بیماری قریبی تعلقات سے پھیلتی ہے اور یہ بیماری سب سے پہلے بندروں میں پائی گئی تھی، یہ وبائی بیماری زیادہ تر مغربی اور وسطی افریقہ کے ممالک میں پائی جاتی ہے اور ان ممالک کے علاوہ دوسرے ممالک میں بہت کم پھیلتی ہے۔پرتگال میں صحت کے حکام نے مونکی پاکس وائرل انفیکشن کے مزید 9 نئے کیسز کی نشاندہی کی ہے، ان کیسز کے سامنے آنے کے بعد ملک میں وبائی مرض سے متاثر ہونے والے افراد کی کل تعداد 14 ہوگئی ہے جبکہ اسپین میں حکام نے پہلے 7 کیسز کی اطلاع دی۔مونکی پاکس ایک بہت کم پایا جانے والا وبائی وائرس ہے، یہ انفیکشن انسانوں میں پائے جانیوالے چیچک کے وائرس سے ملتا ہے، اس وبا کی علامات میں بخار ہونا، سر میں درد ہونا اور جلد پر خارش ہونا شامل ہیں۔افریقہ کی اعلی صحت عامہ کی ایجنسی سی ڈی سی نے بتایا کہ افریقہ میں وبائی مرض کووڈ 19 کے دوران مونکی پاکس کے پھیلنے کی متعدد وبائیں پھیلی تھیں جبکہ اس دوران دنیا کی توجہ کسی اور جانب تھی اور یورپ اور امریکا میں اس وبا کا پھیلنا تشویش کا باعث ہے۔اس وقت مونکی پاکس وائرس کے چند کیسزبرطانیہ، پرتگال، اسپین اور امریکا میں رپورٹ کیے گئے ہیں یا ان پر وائرس کا شبہ ظاہر کیا گیا ہے، متاثرہ افراد میں بخار کی علامات اور مخصوص خارشی نشانات ظاہر ہوئے ہیں۔برطانیہ میں مونکی پاکس کے کیسز ظاہر ہونے کے بعد حکام نے شعبہ صحت میں کام کرنے والے لوگوں اور دیگر افراد کو چیچک کی ویکسین لگانے کی پیش کش کی ہے جبکہ یورپ کے متعدد حصوں میں چند مزید کیسز کی تصدیق ہوئی ہے۔مزید بین الاقوامی خبریں
-
امریکی جامعات میں جو ہورہا ہے وہ خوفناک ہے، نیتن یاہو
-
یہودیوں کا مذہبی تہوار، سیکڑوں یہودیوں کامسجد اقصی پر دھاوا، فلسطینیوں کو نکال دیا
-
شاہ سلمان بن عبدالعزیزطبی معائنے کیلئے اسپتال میں داخل
-
یونانی شاہی جوڑے کا شادی کے 14سال بعد علیحدگی کا اعلان
-
روس نے خلا میں ہتھیار رکھنے سے متعلق قرارداد ویٹو کردی
-
امریکا، اسقاطِ حمل پرپابندی کے خاتمے کا بل منظور
-
پینٹاگون نے ٹیکٹیکل میزائل یوکرین منتقل کردیے، روسی میڈیا
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.