کرنٹ لگنے سے شہریوں کی ہلاکتیں ،نیپرا نے آئیسکوپر 6 کروڑ 50 لاکھ روپے جرمانہ عائد کر دیا

اتھارٹی کی آئیسکو کو سوگوار خاندانوں کو آئیسکوملازمین کے برابر 35 لاکھ روپے فی کس معاوضہ ادا کرنے کی ہدایت

جمعہ 20 مئی 2022 14:30

کرنٹ لگنے سے شہریوں کی ہلاکتیں ،نیپرا نے آئیسکوپر 6 کروڑ 50 لاکھ روپے ..

اسلام آباد (اُردو پوائنٹ اخبارتازہ ترین - این این آئی۔ 20 مئی2022ء) آئیسکو میں جولائی 2019 سے جون 2021 کے دوران کرنٹ لگنے سے شہریوں کی اموات کا معاملہ،نیپرا نے آئیسکوپر 6 کروڑ 50 لاکھ روپے جرمانہ عائد کر دیا۔ تفصیلات کے مطابق مذکورہ مدت کے دوران بجلی سے 39 افراد کی ہلاکتیں ہوئی تھی، اتھارٹی نے ہلاکتوں کی تحقیقات کے لئے 2 ممبران پر مشتمل کمیٹی تشکیل دی تھی۔

(جاری ہے)

نیپرا تحقیقاتی کمیٹی کی رپورٹ کے مطابق 39 میں سے 25 اموات میں آئیسکو قصوروار قرار پایا،25 اموات میں 10 آئیسکو کے ملازمین ،15 عام شہری تھے، اتھارٹی نے نیپرا ایکٹ کے تحت آئیسکو کو شوکاز نوٹس جاری کیا، سماعت کا موقع بھی دیا، آئیسکو ضابطہ اخلاق اور حفاظتی معیارات کو برقرار رکھنے کے لئے قانونی ذمہ داریاں سرانجام دینے میں ناکام رہا، اتھارٹی نے آئیسکو کو سوگوار خاندانوں کو آئیسکوملازمین کے برابر 35 لاکھ روپے فی کس معاوضہ ادا کرنے کی ہدایت کی ۔ معاوضے کی تفصیلات اتھارٹی کے ساتھ شیئر کرنے اور آئیسکو کو سووگوار خاندانوں کو ملازمت بھی دینے کی ہدایت کی گئی ۔