بھارت میں پٹرول نو،ڈیزل چھ روپے سستا کرنے کا اعلان

بڑھتی ہوئی مہنگائی کے باعث غریب اور عام آدمی کو کچھ ریلیف دینے کا فیصلہ کیا ہے،بھارتی وزیرخزانہ

اتوار 22 مئی 2022 14:10

بھارت میں پٹرول نو،ڈیزل چھ روپے سستا کرنے کا اعلان

نئی دہلی(اُردو پوائنٹ اخبارتازہ ترین - این این آئی۔ 22 مئی2022ء) بھارتی حکومت نے باعث پیٹرول کی قیمت میں ساڑھے نوروپے فی لیٹر کمی کردی ۔ پیٹرولیم مصنوعات پر ایکسائز ڈیوٹی کم کردی گئی ہے جس کے باعث پیٹرول کی قیمت میں ساڑھے نو روپے فی لیٹرکمی ہوئی ہے۔

(جاری ہے)

بھارتی میڈیا کے مطابق حکومت نے پیٹرولیم مصنوعات پر ایکسائز ڈیوٹی میں کمی کردی ہے جس کے باعث پیٹرول کی قیمت میں ساڑھے نو بھارتی روپے فی لیٹر اور ڈیزل کی قیمت میں سات روپے فی لیٹر کی کمی ہوئی ہے۔

قیمتوں میں کمی کے بعد پیٹرول کی فی لیٹر قیمت 95.91 اور ڈیزل کی قیمت فی لیٹر 89.67 روپے ہوگئی ہے۔ اس سے قبل فی لیٹر پیٹرول کی قیمت 105 روپے اور ڈیزل کی قیمت 96 روپے تھی۔بھارتی وزیر خزانہ نرملا سیتارامن نے ٹویٹ کرتے ہوئے کہا کہ حکومت نے ملک میں بڑھتی ہوئی مہنگائی کے باعث غریب اور عام آدمی کو کچھ ریلیف دینے کا فیصلہ کیا ہے۔ انہوں نے کہا کہ اس اقدام سے حکومت کو تقریبا 1 لاکھ کروڑ روپے کے ریونیو کا نقصان ہوگا۔