بھارت میں جیولرشاپ سے خاتون کی منہ میں سونا چھپا کر چوری کرنے کی ویڈیو وائرل

اتوار 22 مئی 2022 14:55

نئی دہلی(اُردو پوائنٹ اخبارتازہ ترین - این این آئی۔ 22 مئی2022ء) بھارت کی جیولری شاپ میں خاتون کی منہ میں سونا چھپا کر چوری کرنے کی ویڈیو سوشل میڈیا پر وائرل ہوگئی۔

(جاری ہے)

غیرملکی خبر رساں ادارے کی رپورٹ کے مطابق بھارتی ریاست اترپردیش کے شہر رائے بریلی میں قائم ایک سونے کی دکان کی ویڈیو وائرل ہوئی جس میں عورت کو دلچسپ ومنفرد انداز میں سونے کا زیور چوری کرتے ہوئے دیکھا جاسکتا ہے۔

رپورٹ میں بتایا گیا کہ دو خواتین جیولری شاپ میں داخل ہوئیں اور دونوں نے دکاندار کو باتوں میں لگایا اس دوران انہیں سونے کے مختلف زیورات دکھائے گئے۔اس موقع پر ایک خاتون نے دکاندار کی نظر بھٹکا کر سونا منہ میں رکھ لیا۔ چوری کے مناظر کیمرے کی آنکھ میں قید ہوگئے۔