میرپورخاص، پانی کم ملنے سے آم کی پیداوار میں کمی

کم پانی ملنے کی وجہ سے سندھڑی آم کا سائز چھوٹا اور اس کی مٹھاس بھی پہلے سے کم رہے گی، زرعی ماہرین

اتوار 22 مئی 2022 16:55

میرپورخاص(اُردو پوائنٹ اخبارتازہ ترین - این این آئی۔ 22 مئی2022ء) زرعی پانی کی کمی کے باعث اس سال پھلوں کے بادشاہ آم کی پیداوار میں کمی ہوئی ہے زرعی ماہرین کے مطابق کم پانی ملنے کی وجہ سے سندھڑی آم کا سائز چھوٹا اور اس کی مٹھاس بھی پہلے سے کم رہے گی جبکہ دیگر اقسام کے آموں میں بھی اسی طرح کی صورتحا ل کا سامان رہے گا ،آموں کی کم پیداوار ہونے کی وجہ سے کاشتکاروںکو نقصان کا سامنا بھی ہوسکتا ہے جبکہ بہت سے کاشتکاروں نے اچھے ریٹ ملنے پر آم کو ایکسپورٹ کرنا بھی شروع کردیا ہے اور بڑی تعداد میں میرپورخاص کی پہچان سندھڑی آم کو دبئی ایکسپورٹ کیا جا رہا ہے۔

(جاری ہے)

کاشتکاروں بابو پہنور اور مولا بخش پہنور نے بتایا کہ سندھڑی آم ملک سے باہر بھی بہت شوق سے کھایا جاتا ہے اور ہم ہرسال اپنے باغ میں لگنے والے آم کو دبئی ایکسپورٹ کرتے ہیں اور مقامی منڈی میں بھی اپنے باغ کا آم فروخت کرتے ہیں۔