’’فوج نیوٹرل ہے تو اب بھی نیوٹرل رہے، ہماری سیاست پرامن ہے‘‘

ہمارے جلسوں میں ہر طبقے کے لوگ، خواتین آتی ہیں، یہ سیاست میں ہمارا حقیقی آزادی کی طرف جہاد ہے، چیئرمین تحریک انصاف عمران خان کی گفتگو

دانش احمد انصاری اتوار 22 مئی 2022 22:49

اسلام آباد (اُردو پوائنٹ، اخبار تازہ ترین، 22مئی2022) فوج نیوٹرل ہے تو اب بھی نیوٹرل رہے، ہماری سیاست پرامن ہے، ہمارے جلسوں میں ہر طبقے کے لوگ، خواتین آتی ہیں، یہ سیاست میں ہمارا حقیقی آزادی کی طرف جہاد ہے، چیئرمین تحریک انصاف عمران خان کی گفتگو۔ تفصیلات کے مطابق چیئرمین تحریک انصاف عمران خان کا کہنا ہے کہ فوج نے کہا تھا کہ وہ نیوٹرل ہیں اگر وہ نیوٹرل تھے تو اب بھی نیوٹرل رہے۔

پشاور میں پریس کانفرنس کرتے ہوئے سابق وزیراعظم عمران خان نے موجودہ حکومت کے خلاف 25 مئی کو اسلام آباد کی طرف لانگ مارج کرنے کا اعلان کرتے ہوئے کہا کہ ہماری سیاست پرامن ہے، ہمارے جلسوں میں ہر طبقے کے لوگ، خواتین آتی ہیں، یہ سیاست میں ہمارا حقیقی آزادی کی طرف جہاد ہے۔ انہوں نے کہا ہے کہ فوج نیوٹرل ہیں تو وہ اب بھی نیوٹرل رہیں۔

(جاری ہے)

ان کا کہنا تھا کہ وہ پشاور سے لانگ مارچ کو خود لیڈ کریں گے اور 25 مئی کو دوپہر تین بجے سرینگر ہائی وے پر سب کا منتظر ہوں گا، ہمارے پرامن مارچ میں رکاوٹ ڈالی گئی تو قانونی کارروائی کریں گے، ان کا کہنا تھا کہ فوج نے کہا تھا کہ وہ نیوٹرل ہیں اگر وہ نیوٹرل تھے تو اب بھی نیوٹرل رہے۔

عمران خان نے کہا کہ پی ٹی آئی نہیں بلکہ عوام سمیت ہر شعبے کو لانگ مارچ میں شرکت کی دعوت دیتا ہوں، ہر طبقے سمیت سابقہ فوجیوں کو بھی اس آزادی کی تحریک میں شامل ہونے کی دعوت دیتا ہوں۔