اسلام آباد کی ضلعی انتظامیہ نے ایمرجنسی سہولیات کی موجودگی کی درخواست کردی

اضافی گاڑیاں اورعملے کی موجود گی مخصوص مقامات پر یقینی بنائی جائے، ضلعی انتظامیہ کی متعلقہ اداروں کو درخواست

منگل 24 مئی 2022 20:50

اسلام آباد کی ضلعی انتظامیہ نے ایمرجنسی سہولیات کی موجودگی کی درخواست ..

اسلام آباد (اُردو پوائنٹ اخبارتازہ ترین - این این آئی۔ 24 مئی2022ء) پاکستان تحریک انصاف کے لانگ مارچ کے موقع پر اسلام آباد کی ضلعی انتظامیہ نے ایمرجنسی سہولیات کیلئے درخواست دے دی،ضلعی انتظامیہ نے کسی بھی ایمرجنسی کیلئے 1122 ایمبولینسز اور فائربریگیڈ کی موجودگی کی درخواست دی ہے،درخواست اسلام آباد انتظامیہ کی جانب سے متعلقہ اداروں کوکی گئی۔

(جاری ہے)

درخواست میں کہا گیا کہ اضافی گاڑیاں اورعملے کی موجود گی مخصوص مقامات پر یقینی بنائی جائے۔خیال رہے کہ وفاقی حکومت نے پی ٹی آئی لانگ مارچ کی اجازت نہ دینے کا فیصلہ کیا ہے اور ساتھ ہی وفاقی دارالحکومت اسلام آباد کو سیل کردیا جبکہ پنجاب سے اسلام آباد جانیوالے راستے بھی بند کردیے ہیں۔