ٴ لانگ مارچ کوروکنے کے لیے کنٹینرز اور ٹرانسپورٹ تحویل میں لینے سے پھل سبزیوں کی ایکسپورٹ متاثر

بدھ 25 مئی 2022 21:35

ڈ*کراچی (اُردو پوائنٹ اخبارتازہ ترین - آن لائن۔ 25 مئی2022ء) پاکستان تحریک انصاف کے چیئرمین،سابق وزیراعظم عمران خان کی اپیل پر اسلام آباد میں ہونے والے لانگ مارچ کوروکنے کے لیے کنٹینرز اور ٹرانسپورٹ تحویل میں لینے سے پھل سبزیوں کی ایکسپورٹ متاثر ہوگئی اورآلو پیاز، آم کے ایکسپورٹرز کوبرآمدات میں مشکلات کا سامنا کرنا پڑا ہے۔

(جاری ہے)

سرپرست اعلیٰ پی ایف وی اے وحید احمد کے مطابق ایکسپورٹ کنسائنمنٹ لے کر پورٹ جانے والے کنٹینرز اور ٹرالرز کو سڑکیں بلاک کرنے کے لیے روک لیا گیااورخالی کنٹینرز کی بڑی تعداد بھی راستوں میں روک لی گئی۔

انہوں نے کہا کہ حکومت کی ناقص حکمت عملی کی وجہ سے ایکسپورٹ آرڈرز تاخیر کا شکار ہے جبکہ پھل سبزیوں کے برآمدی آرڈرز منسوخ ہونے کا خدشہ ہے وحید احمد نے کہاکہ کنٹینرز اور ٹرانسپورٹ ضبط کرنے سے پاکستان کو برآمدات کے نقصان کا سامنا ہوگا جبکہ پاکستان کو ملنے والے آرڈرز بھارت کو منتقل ہونے کا خدشہ ہے اس لئے حکومت فوری طور پر کنٹینرز اور ٹرالرز کو چھوڑ دے۔