کارتک آریان کی ’بھول بھلیاں 2‘ باکس آفس پر سپر ہٹ، 75 کروڑ کا بزنس کرلیا

جمعرات 26 مئی 2022 11:59

ممبئی(اُردو پوائنٹ اخبارتازہ ترین - این این آئی۔ 26 مئی2022ء) بالی ووڈ کی فلم ’بھول بھلیاں 2‘ باکس آفس پر اپنا جادو بکھیرنے میں کامیاب ہوگئی۔بھارتی میڈیا کے مطابق کارتک آریان کی حال ہی میں ریلیز ہوئی فلم ’بھول بھلیاں 2‘ باکس آفس پر سپٴْر ہٹ ہوگئی، فلم نے ریلیز کے پہلے ہفتے ہی 75 کروڑ کا بزنس کرلیا ہے۔

(جاری ہے)

بھارتی میڈیا کا کہنا ہے کہ اب تک فلم کے 47 لاکھ ٹکٹس فروخت کیے جا چکے ہیں، انیس بزمی کی ہدایتکاری میں بننے والی اس فلم نے باکس آفس پر اچھی شروعات کی ہے۔یاد رہے کہ پچھلے جمعہ کو ریلیز ہونے والی یہ فلم اکشے کمار اور ودیا بالن کی سال 2007 میں ریلیز کی جانی والی مشہور فلم بھول بھلیاں کا سیکوئل ہے۔ جس میں کارتک آریان کیارہ اڈوانی اور تبو نے مرکزی کردار ادا کیا ہے۔