نیتو سنگھ صحافیوں کے اپنی بہو سے متعلق سوالات پر تنگ آگئیں

جمعہ 27 مئی 2022 23:55

ممبئی(اُردو پوائنٹ اخبارتازہ ترین - این این آئی۔ 27 مئی2022ء) بالی ووڈ کی معروف اداکارہ نیتو سنگھ صحافیوں کی جانب سے ہر وقت اپنی بہو عالیہ بھٹ سے متعلق سوالات سے تنگ آگئیں۔میڈیا رپورٹ کے مطابق نیتو اور کے بیٹے اسٹار اداکار رنبیر کپور مشہور فلم ساز کرن جوہر کی سالگرہ کی تقریب میں شریک ہوئے جہاں رنبیر کی اہلیہ اداکارہ عالیہ بھٹ موجود نہیں تھیں۔

(جاری ہے)

رپورٹ میں بتایا گیا کہ تقریب کے ریڈ کارپیٹ پر موجود نیتو سنگھ سے صحافیوں نے عالیہ بھٹ کے حوالے سے سوال کیا تو اداکارہ نے تنگ آکر کہا پھر بہو ، وہ بالکل خوش ہے، اب آگے بڑھو۔ یہ کہہ کر نیتو گاڑی میں بیٹھ کر چلی گئیں۔عالیہ بھٹ ہالی ووڈ میں ڈیبیو کرنے جارہی ہیں، ان کی پہلی فلم ہارٹ آف اسٹون ہوگی جس کی شوٹنگ کیلئے وہ برطانیہ گئیں اور وہاں کام میں مصروف ہیں اسی سبب اداکارہ کرن جوہر کی تقریب میں شامل نہیں ہوسکیں۔