عمران خان نے گزشتہ روز کی پریس کانفرنس میں صحافی کے سوال کو فرمائشی قرار دے دیا

ہفتہ 28 مئی 2022 21:26

پشاور (اُردو پوائنٹ اخبارتازہ ترین - این این آئی۔ 28 مئی2022ء) سابق وزیر اعظم عمران خان نے گزشتہ روز کی پریس کانفرنس میں صحافی کے سوال کو فرمائشی قرار دے دیا۔سابق وزیراعظم و پاکستان تحریک انصاف کے چیئرمین عمران خان نے پشاور میں پریس کانفرنس سے قبل محتاط انداز میں گفتگو کی۔پریس کانفرنس سے قبل غیر رسمی گفتگو میں ان کا کہنا تھاکہ کل عجیب ڈرامہ کردیا اس نے۔

(جاری ہے)

عمران خان نے سوال کیا کہ ریکارڈنگ شروع اچھا ہے آن ائیر ہیں، کچھ غلط باتیں نہ نکل جائیں منہ سے۔صحافی نے گزشتہ روز پریس کانفرنس میں صحافی کے سوال کا عمران خان سے ذکر کیا تو اس پر ان کا کہنا تھاکہ آپ کو پتہ ہے سوال، وہ فرمائشی سوال تھا اورآپ کو پتہ ہے نا فرمائش کہاں سے آئی ہوگی خیال رہے کہ گزشتہ روز پشاور میں پریس کانفرنس کے دوران صحافی نے عمران خان سے سخت سوال کیا تھا جس کا جواب دیکر وہ اٹھ کر چلے گئے تھے۔