لاہور: پی ٹی آئی لانگ مارچ توڑ پھوڑ کیس کے نئے مقدمے میں پی ٹی آئی رہنمائوں کی عبوری ضمانت منظور

پیر 20 جون 2022 20:11

لاہور (اُردو پوائنٹ اخبارتازہ ترین - آن لائن۔ 20 جون2022ء) انسداد دہشت گردی کی خصوصی عدالت نے پاکستان تحریک انصاف کے لانگ مارچ کے دوران ہنگامہ آرائی اور توڑ پھوڑ کے ایک نئے مقدمے میں ملوث پی ٹی آئی کے 11 رہنمائوں کی عبوری ضمانتیں منظور کرتے ہوئے انہیں ایک ایک لاکھ روپے مالیت کے ضمانتی مچلکے جمع کروانے کا حکم جاری کیا تھا۔

(جاری ہے)

مچلکے جمع کروانے کے لئے پی ٹی آئی کے رہنما حماد اظہر، عندلیب عباس اور ڈاکٹر یاسمین راشد سمیت دیگر گزشتہ روز انسداد دہشت گردی کی عدالت میں پیش ہوئے جہاں انہوں نے ضمانتی مچلکے جن کی مالیت 11 لاکھ روپے تھی جمع کروائے۔