پی ٹی آئی رہنما عمران خان کے کتنے اسکینڈلز کا دفاع کریں گے،شرجیل میمن

توشہ خانہ کے نئے اسکینڈل کے بعد میری گھڑی میری مرضی والی بات ختم ہو گئی،وزیراطلاعات سندھ

جمعرات 30 جون 2022 18:07

پی ٹی آئی رہنما عمران خان کے کتنے اسکینڈلز کا دفاع کریں گے،شرجیل میمن

کراچی (اُردو پوائنٹ اخبارتازہ ترین - این این آئی۔ 30 جون2022ء) صوبائی وزیر اطلاعات سندھ شرجیل انعام میمن نے پی ٹی آئی رہنما فواد چوہدری کے بیان پر رد عمل دیتے ہوئے کہا ہے کہ پی ٹی آئی رہنما عمران خان کے کتنے اسکینڈلز کا دفاع کریں گے۔ توشہ خانہ کے نئے اسکینڈل کے بعد میری گھڑی میری مرضی والی بات ختم ہو گئی۔ صوبائی وزیر نے کہاکہ عمران خان نے توشہ خانہ سے خریدے بغیر قیمتی گھڑیاں بیچ دیں۔

(جاری ہے)

کیا چوری کا سامان بیچنے اور مالک کو 20 فیصد رقم ادا کرنے والا چور نہیں صوبائی وزیر نے کہا کہ پی ٹی آئی کون ہوتی ہے ، لوگوں کے سوال کے حق سے انکار کرنے والی یہ پوچھنا لوگوں کا حق ہے کہ گھڑیاں آپ کی تھی ہی نہیں ، تو فروخت کیوں کیں شرجیل انعام میمن نے کہا کہ اس سے پہلے بھی سوال تھا کہ قیمتی گھڑی تحفہ دینے والے کے پاس کیسے پہنچی عمران خان کی حرکتوں سے پی ٹی آئی کے رہنماؤں کے سوا پوری قوم شرمندہ ہے۔ انہوں نے کہا کہ پی ٹی آئی کے رہنما عمران خان کے اسکینڈلز کا دفاع کرتے رہے تو زندگی بھر کچھ اور نہیں کر سکیں گے۔عمران خان کی فسطائی اور اسپانسرڈ سیاست کا دور ختم ہوگیا ہے۔ تحریک انصاف کے رہنماؤں کو سیاسی طور پر زندہ رہنے کے لئے کوئی دوسرا معقول کام کرنا ہوگا۔