پریڈ گراؤنڈ جلسہ ؛ عمران خان کا راولپنڈی سے ریلی لے کر پہنچنے کا فیصلہ

دوسری جانب پاکستان تحریک انصاف کے چئیرمین عمران خان نے ٹائیگر فورس کی رجسٹریشن کے لیے ویب سائٹ لانچ کر دی ہے، انہوں نے کہا کہ ملک میں بیرونی مداخلت کے ذریعے حکومت مسلط کی گئی، آج ہمارا ملک جس موڑ پر کھڑا ہے وہاں ٹائیگر فورس کی ضرورت ہے ، 30 سال سے ملک کا خون چوسنے والے مجرموں کو اقتدار دیا گیا ، دو خاندانوں نے جھک جھک کر بیرونی طاقتوں کی غلامی کی ، دو نوں خاندان پھر اس لیے اقتدار میں لائے گئے تا کہ باہر کے ایجنڈے پر چلیں۔

(جاری ہے)

سابق وزیر اعظم نے کہا کہ یہ ہمارا انصاف کا نظام تباہ کر دیں گے،آج نیب اور ایف آئی اے کو تباہ کر دیا گیا ، اب یہ ایسا ماحول بنا رہے ہیں کہ عدالتوں سے بھی بچ جائیں، حکمران کبھی بھی صاف اور شفاف الیکشن نہیں ہونے دیں گے، پنجاب کے 20 حلقوں کے الیکشن میں ابھی سے دھاندلی ہو رہی ہے،پارٹی کی لیڈرشپ پر ایف آئی آر کاٹی ہوئی ہے، مجھ پر 9 مقدمات درج ہیں، پارلیمنٹ ختم ہو گئی۔

پنجاب میں بھی تماشا لگا رکھا ہے، قومی اسمبلی میں ایسے شخص کو اپوزیشن لیڈر بنایا گیا جو ن لیگی ٹکٹ پر الیکشن لڑے گا۔ عمران خان نے کہا کہ 60 فیصد کابینہ اراکین کرپشن کیسز میں ضمانتیں لے کر بیٹھے ہیں،یہ صرف پاکستان کے ادارے تباہ کر کے خود کو مسلط کرنا چاہتے ہیں، میڈیا پر فاشسٹ ہتھکنڈوں کے ذریعے بد ترین سختیاں مسلط کی گئی ہیں ، آج ہمارا ملک جس موڑ پر کھڑا ہے وہاں ٹائیگر فورس کی ضرورت ہے ، نوجوان خود کو رجسٹر کریں اور ٹائیگر فورس کا حصہ بن جائیں ، انتخابی مرحلے میں نوجوان ہماری مدد کریں۔