حیدر آباد،مودی کیخلاف کئی مقامات پر احتجاج، پتلانذر آتش

اتوار 3 جولائی 2022 21:22

حیدر آباد(اُردو پوائنٹ اخبارتازہ ترین - این این آئی۔ 03 جولائی2022ء) بھارتی وزیر اعظم نریندر مودی کے ریاست تلنگانہ کے دارلحکومت حیدر آباد کے دو روزہ دورے کے موقع پر کئی مقامات پر انکے خلاف زبردست احتجاجی مظاہرے کیے گئے ۔نریندر مودی گزشتہ دن دو روزہ دورے پر حید آباد پہنچے تھے۔کشمیر میڈیاسروس کے مطابق ریاست بھر میں کئی سیاسی و سماجی تنظیمو ں نے انکے خلاف احتجاج کیا۔

(جاری ہے)

ماڈیگا ریزرویشن پورٹا سمیتی(ایم آر پی ایس) کے کارکنوں کی طرف سے ضلع یادادری میں چوٹ اپل کے قریب قومی شاہراہ پر دھرنا دیا گیا۔ انہوںنے ٹائیر نذر آتش کیے اور سڑک پر بیٹھ گئے جس سے گاڑیوںکی آمد ورفت شدید متاثر ہوئی۔ تنظیم کے کارکنوں نے ’’مودی گو بیک ‘‘ کے نعرے لگائے۔آل انڈیا ٹریڈ یونین کانگریس(اے آئی ٹی یو سی) کے کارکنوں نے کریم نگر میں سخت احتجاج کیا۔ انہوںنے کریم نگر کے کمان چوک میں نریندر مودی کا پتلہ نذر آتش کیا۔ کارکنوںنے بینرز تھام رکھے تھے جن پر ’ بائے بائے مودی، گوبیک مودی ‘‘ کے نعرے درج تھے۔ احتجاجیوںنے کہا کہ معاشی مجرم صرف بینکوں کو لوٹ رہے ہیں مگر مودی سارے ملک کولوٹ رہے ہیں۔