عدالت نے وزیراعظم عمران خان کی 10 مقدمات میں عبوری ضمانتوں کو کنفرم کردیا

عدالت نے گیارہویں مقدمے میں عبوری ضمانت میں آٹھ ستمبر تک توسیع کردی

ہفتہ 30 جولائی 2022 23:09

عدالت نے وزیراعظم عمران خان کی 10 مقدمات میں عبوری ضمانتوں کو کنفرم ..

اسلام آباد (اُردو پوائنٹ اخبارتازہ ترین - این این آئی۔ 30 جولائی2022ء) اسلام آباد کی عدالت نے سابق وزیراعظم عمران خان کی 10 مقدمات میں عبوری ضمانتوں کو کنفرم کردیا جبکہ گیارہویں مقدمے میں عبوری ضمانت میں آٹھ ستمبر تک توسیع کردی۔اسلام آباد کی ڈسٹرکٹ اینڈ سیشن جج کامران بشارت مفتی نے پی ٹی آئی توڑ پھوڑ دھرنا کیس عمران خان کے خلاف درج گیارہ مقدمات میں ضمانتوں پر سماعت کی۔

(جاری ہے)

سابق وزیراعظم کی جانب سے بابر اعوان عدالت میں پیش ہوئے اور موقف اختیار کیا کہ آیک ہی طرز کے 15مخلتف مقدمات درج کیے گئے ہیں۔ عدالت نے عمران خان کی 10 مقدمات میں عبوری ضمانتوں کو کنفرم کردیا اور انہیں 5،5 ہزار روپے کے مچلکے جمع کرانے کی ہدایت کی جبکہ تھانہ کوہسار کی میں درج گیارہویں مقدمے میں آٹھ ستمبر تک عبوری ضمانت میں توسیع کرتے ہوئے پولیس سے ریکارڈ طلب کرلیا ہے۔یاد رہے کہ چیئرمین پی ٹی آئی عمران خان کے خلاف لانگ مارچ کے دوران توڑ پھوڑ اور املاک کو نقصان پہنچانے کے تمام 15 مقدمات میں عبوری ضمانت کنفرم ہوچکی ہے تاہم وہ ایک کیس میں عبوری ضمانت پر ہیں۔