پاکستان حق خود ارادیت کیلئے مقبوضہ کشمیرکے عوام کی ہمیشہ حمایت کرتا رہے گا، سید خورشید شاہ

مقبوضہ کشمیر کی خصوصی حیثیت کی منسوخی انسانی اور سیاسی حقوق کی سنگین خلاف ورزی ہے، وفاقی وزیر کا بیان

جمعہ 5 اگست 2022 22:18

پاکستان حق خود ارادیت کیلئے مقبوضہ کشمیرکے عوام کی ہمیشہ حمایت کرتا ..

اسلام آباد (اُردو پوائنٹ اخبارتازہ ترین - این این آئی۔ 05 اگست2022ء) وفاقی وزیر آبی وسائل سید خورشید شاہ نے کہا ہے کہ مقبوضہ کشمیر کی خصوصی حیثیت کی منسوخی انسانی اور سیاسی حقوق کی سنگین خلاف ورزی ہے، پاکستان حق خود ارادیت کیلئے مقبوضہ کشمیرکے عوام کی ہمیشہ حمایت کرتا رہے گا۔

(جاری ہے)

جمعہ کو اپنے ایک بیان میں وفاقی وزیر نے کہا کہ ہم مقبوضہ کشمیر کے عوام کے ساتھ اپنی بھرپور حمایت کا یقین دلاتے ہیں، مقبوضہ کشمیر میں بھارتی بربریت کی شدید مذمت کرتے ہیں۔

انہوں نے کہا کہ مقبوضہ کشمیر کی خصوصی حیثیت کی منسوخی انسانی اور سیاسی حقوق کی سنگین خلاف ورزی ہے، بھارت معصوم کشمیریوں کے ساتھ گزشتہ سات دہائیوں سے جاری غیر انسانی سلوک بند کرے۔ انہوں نے کہا کہ بھارت کی جانب سے اقوام متحدہ کی قراردادوں کی خلاف ورزیوں کی بھرپور مذمت کرتے ہیں۔