کامن ویلتھ گیمز میں شاندار کارکردگی دکھانے والے قومی ہیروز کی وطن واپسی شروع

کھلاڑیوں کے اعزاز میں تقریب رکھیں گے اور انعامات سے نوازیں گے، آصف زمان

بدھ 10 اگست 2022 14:06

کامن ویلتھ گیمز میں شاندار کارکردگی دکھانے والے قومی ہیروز کی وطن واپسی ..

کراچی(اُردو پوائنٹ اخبارتازہ ترین - این این آئی۔ 10 اگست2022ء) برطانیہ میں ہونے والے کامن ویلتھ گیمز میں شاندار کارکردگی دکھانے والے قومی ہیروز کی وطن واپسی کا سلسلہ شروع ہو گیا۔

(جاری ہے)

سلور میڈلسٹس زمان انور، محمد شریف طاہر اور برانز میڈلسٹ اسد علی پاکستان پہنچے، ڈی جی پاکستان اسپورٹس بورڈ کرنل ریٹائرڈ محمد آصف زمان نے اسلام آباد ائیرپورٹ پر کھلاڑیوں کا استقبال کیا اور کامن ویلتھ میڈلسٹ کو پھولوں کے ہار پہنائے اور گلدستے پیش کیے۔

ڈی جی پاکستان اسپورٹس بورڈ نے کہا کہ اپنے قومی ہیروز کو خوش آمدید کہتے ہیں، ارشد ندیم، نوح دستگیر بٹ اور دیگر میڈلسٹس کا بھی وطن واپسی پر خود آکر استقبال کروں گا۔محمد آصف زمان نے کہا کہ کھلاڑیوں کے اعزاز میں تقریب رکھیں گے اور انہیں انعامات سے نوازیں گے۔انہوں نے کہا کہ کامن ویلتھ گیمز میں گولڈ میڈل جیتنے والوں کو 50 لاکھ، سلور میڈل والوں کو 20 اور برانز میڈل حاصل کرنے والوں کو 10 لاکھ انعام دے رہے ہیں۔