یورپ میں پی آئی اے کی پروازوں کی بندش کی بنیادی وجہ سابق وزیر ہوابازی کا غیر محتاط بیان تھا،سعد رفیق
یورپ میں پی آئی اے کے روٹس کھلوانے کی کوششیں جاری ہیں، توقع ہے جلد ہی مثبت اثرات سامنے آئیں گے، ذاتی طور پر نیویارک میں روز ویلٹ ہوٹل کو بیچنے کے خلاف ہوں، یہ پرانی پراپرٹی ہے، اس کے 300سے 400کمرے امریکہ کے کسی بڑے بلڈر کے ساتھ مل کر جوائنٹ وینچر کے ذریعے بحال ہونے چاہئیں، نئی ایوی ایشن پالیسی میں سیف گارڈز لانے کیلئے کام جاری ہے، پی آئی اے کے لئے چھوٹے روٹس پر پروازیں چلانا نقصان کا باعث ہے، وزیر ریلوے
بدھ 10 اگست 2022 22:10
(جاری ہے)
ڈرائی لیز پر جہاز لینا چاہتے ہیں، دو جہاز آچکے ہیں، دو اور آجائیں گے۔ اگلا ہدف تین اے 330 جہاز لینے کا ہے، پیپرا قوانین پر عملدرآمد کرتے ہوئے شفاف انداز میں لیں گے۔ پائلٹس کے جعلی لائسنسوں کے حوالے سے بیان نے پاکستان کی ساکھ کو بدنام کیا، یورپ میں ہماری پروازیں بند ہوئیں۔
سابق وزیر ہوابازی کا یہ بیان غیر محتاط بیان تھا۔ ان کے اس بیان کو وزارت کی سپورٹ نہیں تھی، یہ ان کی طرف سے ایوی ایشن انڈسٹری کے خلاف ایف آئی آر تھی۔ ہمارے دوست ممالک بھی چاہتے ہیں کہ ہمارے وہ روٹس نہ کھلیں اور یہ بزنس ان کے پاس رہیں، ہم یہ روٹس کھلوانے کی کوشش کر رہے ہیں۔ امریکہ میں ہمارا روز ویلٹ ہوٹل ہے، میں ذاتی طور پر اس ہوٹل کو بھیجنے کے خلاف ہوں ، ہم اس پراپرٹی کا تحفظ کرنا چاہتے ہیں، اس پر کچھ پیسے لگا کر اس کے 1000 سے زائد کمروں میں سے 300 سے 400 کمرے بحال کریں گے، یہ کیس ہم ای سی سی میں لے کر گئے ہیں۔ یہ پرانی پراپرٹی ہے، وہاں کے کسی بڑے بلڈر کے ساتھ مل کر جوائنٹ وینچر کے ذریعے اس کو بحال ہونا چاہیے۔ انہوں نے کہا کہ پاکستان کی ایوی ایشن پالیسی میں سیف گارڈ ڈالے جائیں، اس پر کام کر رہے ہیں۔ چھوٹے روٹس پر پروازیں چلانا نقصان کا باعث ہوتا ہے جو پی آئی اے کے لئے قابل عمل نہیں ہے۔ طاہرہ اورنگزیب کے سوال کے جواب میں وفاقی وزیر خواجہ سعد رفیق نے کہا کہ جن جن روٹس پر پروازیں بند ہوئیں وہ جہاز کہیں نہیں گئے وہ یہی ہیں، انہیں دوسرے روٹس پر چلایا جارہا ہے۔ ڈاکٹر فہمیدہ مرزا کے سوال کے جواب میں خواجہ سعد رفیق نے کہا کہ برٹش ایئر ویز اس مہینے سے پاکستان میں اپنی پروازیں بحال کر رہی ہے۔ انہوں نے کہا کہ بدقسمتی سے ہمیں یہ مان لینا چاہیے، بہت سے لوگ اپنی ذمہ داریاں پوری نہیں کرتے، لوگوں کو ذمہ داریاں پوری کرنی چاہئیں۔وزارت شہری ہوابازی کی جانب سے پارلیمانی سیکرٹری ملک سہیل خان نے کہا کہ اسلام آباد سے چترال دو پروازیں ہیں، لاہور اور پشاور سے فاصلہ کم ہونے کی وجہ سے محکمہ کے مطابق یہ قابل عمل نہیں ہے۔ سیاحت کے فروغ کے لئے ہم مولانا عبدالاکبر چترالی کی تجاویز پر عملدرآمد یقینی بنائیں گے۔ رحیم یار خان کے لئے پروازوں کی بحالی کے بارے میں شیخ فیاض الدین کے سوال کے جواب میں پارلیمانی سیکرٹری ملک سہیل خان نے کہا کہ رحیم یار خان سے پروازوں کی بحالی پر غور کرکے جلد جواب دیں گے۔ مولانا عبدالاکبر چترالی نے کہا کہ چترال تاجکستان اہم معاملہ ہے، اس پر رولنگ دے کر قائمہ کمیٹی کے سپرد کیا جائے۔ سپیکر نے کہا کہ مجھے یقین ہے کہ پارلیمانی سیکرٹری وزارت ہوابازی سے اس معاملہ پر رابطہ کرکے آپ کو بتائیں گے۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.