ابھیشیک بچن نے فلم ’’گورو‘‘ کے سیٹ سے ہیروئن ایشوریا رائے کو ہی چرا لیا تھا

جنوری 2017 میں ریلیز ہونے والی فلم نے دونوں اداکاروں کو ایک دوسرے کی محبت میں گرفتار ہونے پر مجبور کردیا تھا

جمعہ 12 اگست 2022 12:46

ابھیشیک بچن نے فلم ’’گورو‘‘ کے سیٹ سے ہیروئن ایشوریا رائے کو ہی چرا ..

ممبئی (اُردو پوائنٹ اخبارتازہ ترین - این این آئی۔ 12 اگست2022ء) بالی وڈ اداکار ابھیشیک بچن کے حوالے سے حال ہی میں ایک دلچسپ انکشاف ہوا ہے۔ابھیشیک بچن کچھ دن قبل بھارتی کامیڈی شو ’’کیس تو بنتا ہے‘‘ میں شریک ہوئے جس میں ان سے دلچسپ سوالات پوچھے گئے جب کہ شو کا پرومو بھارتی میڈیا پر زیر گردش رہا۔

(جاری ہے)

شو کے پرومو میں میزبان اداکار رتیش دیش مکھ ابھیشیک سے متعلق انکشاف کرتے ہیں کہ ان کی عادت ہے کہ وہ فلموں کے سیٹ سے کافی سارے پراپس چوری کرلیتے ہیں۔

رتیش دیش مکھ نے بات جاری رکھتے ابھیشیک کے گورو کے سیٹ کی چوری سے متعلق جیسے ہی کہا تو ابھیشیک نے رتیش کی بات کاٹتے ہوئے جواب دیا کہ اس سیٹ سے ہیروئن (ایشوریا رائی) کو ہی چرا لیا تھا۔خیال رہے کہ ابھیشیک اور ایشوریا کی محبت کا آغاز فلم’’گورو‘‘ سے ہوا تھا۔جنوری 2017 میں ریلیز ہونے والی فلم نے دونوں اداکاروں کو ایک دوسرے کی محبت میں گرفتار ہونے پر مجبور کردیا تھا۔