پیپلزپارٹی نے ملک کو ہمیشہ نوجوان چادر دی ہے ، آصف علی زرداری

ھ* پاکستان سیاستدانوں نے بنایا تھا اور سیاستدان ہی اس کی تعمیر کرتے رہے ہیں،سابق صدر

جمعہ 12 اگست 2022 21:30

z اسلام آباد (اُردو پوائنٹ اخبارتازہ ترین - آن لائن۔ 12 اگست2022ء) نسابق صدرپاکستان اور پاکستان پیپلز پارٹی پارلیمنٹیرینز کے صدر آصف علی زرداری نے نوجوانوں کے عالمی دن کے موقع پر اپنے پیغام میں کہا کہ نوجوان پاکستان کا مستقبل ہیں۔ ملک میں آئین اور جمہوریت کی بحالی کے لئے نوجوانوں کا بے مثال کردار رہا ہے۔ پیپلزپارٹی سے تعلق رکھنے والے نوجوانوں نے اپنی زندگی آئین اور جمہوریت کے لئے وقف کی، پھانسیاں، کوڑے، تشدد اور قید خانے قبول کرکے جمہوریت کو فتحیاب کیا۔

سابق صدر نے کہا کہ پاکستان پیپلزپارٹی نے ملک کو ہمیشہ نوجوان چادر دی ہے۔ پیپلزپارٹی جب بھی اقتدار میں آئی ہے نوجوانوں کے لئے روزگار کے مواقع پید کیا ہے۔ آصف علی زرداری نے کہا کہ بیروزگاری کی وجہ سے نوجوان احساس محرومی کا شکار ہوتے ہیں۔

(جاری ہے)

انہوں نے کہا کہ آج کے عہدکے نوجوانوں کو تاریخ سے رہنمائی حاصل کرنے کی ضرورت ہے۔ آنے والی نسلوں کو باوقار اور مہذب معاشرہ دینے کے لئے نوجوانوں کو آگے آنا ہوگا۔

آصف علی زرداری نے کہا کہ سیاستدانوں کی کردار کشی کا سلسلہ بہت پرانا ہے۔ پاکستان سیاستدانوں نے بنایا تھا اور سیاستدان ہی اس کی تعمیر کرتے رہے ہیں۔ آصف علی زرداری نے کہا کہ ملک جب بھی مشکلات کا شکار ہوا پیپلزپارٹی نے ملک کو مشکلات سے نکالا۔ انہوں نے کہا کہ پیپلزپارٹی قائدعوام ذوالفقار علی بھٹو شہید اور محترمہ بینظیر بھٹو شہید کے فلسفے کے مطابق نوجوانوں کو آئندہ بھی بہتر مستقبل فراہم کرے گی۔