ایمازون کی جانب سے پاکستان کے 13000 اکائونٹس معطل کر دیے گئے

اتوار 14 اگست 2022 17:10

لاہور(اُردو پوائنٹ اخبارتازہ ترین - این این آئی۔ 14 اگست2022ء) ایمازون کی جانب سے پاکستان کے 13000 اکائونٹس معطل کر دئیے گئے ہیں۔ تفصیلات کے مطابق ایمازون نے مبینہ طور 13000 پاکستانی اکائونٹس معطل کر دئیے ہیں، اکائونٹس کو معطل دھوکہ دہی کے الزامات کی وجہ سے کیا گیا ،13000 سے زیادہ پاکستانی سیلر اکاؤنٹس کو بند کر دیا ہے، چھوٹے کاروباری مالکان کا ایمیزون سیلرز بننے کا انتخاب ایک ایسا رجحان ہے جو گزشتہ چند سالوں سے چل رہا ہے۔

(جاری ہے)

کاٹیج انڈسٹری کو فروغ دینے اور ملکی برآمدات میں اضافے کے لیے پاکستان پوسٹ کی مختلف پیشکشوں کے تحت حکومتی تعاون کی وجہ سے یہ مسلسل بڑھ رہا ہے۔ایمازون نے پنجاب کے شہروں میاں چنوں اور ساہیوال کو فراڈ ریڈ زون قرار دیا ہے۔ان علاقوں سے کام کرنے والے سیلرز دھوکہ دہی کی سرگرمیوں میں ملوث پائے گئے ہیں۔ایمازون نے میاں چنوں کے آئی پی ایڈریسز بھی بلاک کر دئیے ہیں اور اب ان علاقوں کے لوگ دبئی سے یا دوسرے کلائنٹس کے کمپیوٹرز کے ذریعے اکاؤنٹس چلا رہے ہیں۔