پی ٹی آئی کارکنوں کا نجی چینل کی بندش کیخلاف احتجاجی مظاہرہ

امپورٹڈ حکومت کی جانب سے پابندی غیر آئینی اقدام ہے بھرپورمذمت کرتے ہیں

بدھ 17 اگست 2022 23:04

پشاور(اُردو پوائنٹ اخبارتازہ ترین - آن لائن۔ 17 اگست2022ء) پاکستان تحریک انصاف پشاور کے کارکنان نے نجی چینل کی بندش کے خلاف پشاور پریس کلب کے سامنے احتجاجی مظاہرہ کیا جس میں بڑی تعداد میں کارکنان نے شرکت کی اور حکومت کے خلاف نعرے بازی کی مظاہرے کی قیادت سابق ناظم پشتخرہ ارباب قاسم سمیت دیگر ساتھیوں نے کی مظاہرین نے ہاتھوں میں پلے کارڈز اور بینرز اٹھا رکھے تھے جن پر انکے مطالبات درج تھے اس موقع پر تحریک انصاف کے کارکنان کا کہنا تھا کہ نجی چینل پر امپورٹڈ حکومت کی جانب سے پابندی غیر آئینی اقدام ہے جسکی جتنی بھی مذمت کی جائے کم ہے انہوںنے مطالبہ کیا کہ اے آر وائی چینل سے فوری پابندی ہٹائی جائے