سابق آرمی چیف جنرل ضیاء الحق کے طیارہ حادثے کو 34 سال ہوگئے

بدھ 17 اگست 2022 23:20

اسلام آباد (اُردو پوائنٹ اخبارتازہ ترین - این این آئی۔ 17 اگست2022ء) سابق آرمی چیف جنرل ضیاء الحق کے طیارے کے حادثے کو 34 برس ہوگئے ہیں۔ حادثے میں پاک فوج کے 10 اعلیٰ افسران اور امریکی سفیر سمیت طیارے میں سوار تمام 30 افراد زندگی کی بازی ہار گئے ۔

(جاری ہے)

اس وقت کے صدر اور آرمی چیف ضیاء الحق بہاولپور میں فوجی یونٹوں کے معائنے کے بعد پاک فضائیہ کے طیارے سے اسلام آباد جا رہے تھے، طیارے کو اٴْڑان بھرنے کے 10 منٹ بعد ہی حادثہ پیش آیا۔

طیارہ حادثے میں جاں بحق ہونے والوں میں اس وقت کے چیئرمین جوائنٹ چیفس آف اسٹاف کمیٹی جنرل اختر عبدالرحمان، چیف آف جنرل اسٹاف جنرل افضال، 3 میجر جنرلز، 5 بریگیڈیئرز اور دیگر آرمی افسران بھی شامل تھے۔اسلام آباد میں امریکی سفیر آرنلڈ ایل رافیل اور چیف ملٹری اتاشی بریگیڈئیر جنرل ہربرٹ ایم واسم بھی اسی طیارہ حادثے میں ہلاک ہوئے تھے۔