قطر کا خطے کی منفرد بیچ جلد عوام کیلئے کھولنے کا اعلان

بتایا گیا ہے کہ قطر ٹورازم، ڈسکور قطر اور قطر ایئرویز کے تعاون سے بنائی گئی یہ سائٹ روڈ کے ذریعے دوحہ سے 1 گھنٹہ 20 منٹ شمال میں اور حماد انٹرنیشنل ایئرپورٹ سے 90 منٹ کی دوری پر فویریت گاؤں سے 1.5 کلومیٹر جنوب مشرق میں واقع ہے، Fuwairit Kite Beach کو دنیا کے بہترین کائیٹ سرفنگ مقامات میں سے ایک اور بہترین کے طور پر بیان کیا گیا ہے جہاں 9 ماہ تک میسر آنے والی ہوا اور علاقے کی فلیٹ لگون مل کر اسے سرفنگ کے لیے مثالی بناتی ہے، یہاں آنے والے ابتدائی یا تجربہ کار سرفر کو پریشان ہونے کی ضرورت نہیں ہے کیوں کہ آن سائٹ ماہرین اور اساتذہ تربیت کے لیے ساحل سمندر پر تعینات کیے جائیں گے۔

(جاری ہے)

معلوم ہوا ہے کہ کائٹ بورڈنگ کے علاوہ ساحل سمندر پر ایک ریزورٹ بھی بنایا گیا ہے، جو ساحل سے صرف 30 میٹر کی دوری پر رہائش، یوگا اسٹوڈیو، مکمل طور پر جدید سامان سے لیس جم، پول، اسنارکلنگ اور ڈائیونگ کی سہولیات پیش کرتا ہے جہاں آنے والوں کو مختلف قسم کے مستند قطری ذائقے اور بین الاقوامی پکوان بھی ملیں گے۔