تجارت کے فروغ کیلئے آذربائیجان کی ایکسپورٹ پروموشن ایجنسی کا وفدپاکستان کا دورہ کرے گا، آذربائیجان کے سفیر خضر فرہادوف کی اسلام آباد چیمبر آف کامرس اینڈ انڈسٹری کے دورہ کے موقع پر تاجر برادری سے بات چیت
منگل 6 ستمبر 2022 21:05
(جاری ہے)
ان خیالات کا اظہار انہوں نے اسلام آباد چیمبر آف کامرس اینڈ انڈسٹری کے دورے کے موقع پر تاجر برادری سے بات چیت کرتے کیا۔
سفیر نے کہا کہ آذربائیجان اور پاکستان کے درمیان خوشگوار تعلقات قائم ہیں تاہم ضرورت اس بات کی ہے کہ دونوں ممالک اقتصادی تعاون کو مضبوط بنانے پر توجہ دیں جس سے دونوں کیلئے فائدہ مند نتائج حاصل ہوں گے۔ انہوں نے کہا کہ آذربائیجان کے ساتھ پاکستان کا قریبی تعاون پاکستان کے لیے وسطی ایشیائی ممالک کے ساتھ تجارت کو بہتر بنانے کی راہیں کھولے گا۔ انہوں نے ایک مشترکہ ورکنگ گروپ کے قیام کی تجویز سے چیمبر کے صدر کو آگاہ کیا جو دوطرفہ تجارت کے فروغ میں تاجر برادری کو درپیش مسائل اور رکاوٹوں کو سنے گا اوران کو حل کرنے کی تجاویز دے گا تا کہ آذربائیجان اور پاکستان کے درمیان دوطرفہ تجارتی تعلقات کو مزید مضبوط کیا جائے۔ انہوں نے کہا کہ آذربائیجان اور پاکستان کے درمیان بینکنگ،انفارمیشن ٹیکنالوجی، توانائی، سیاحت، زراعت اور ایس ایم ایز سمیت کئی شعبوں میں تعاون بڑھانے کی گنجائش موجود ہے جس سے فائدہ اٹھانے کی ضرورت ہے۔ انہوں نے یقین دلایا کہ آذربائیجان کا سفارت خانہ پاکستان کی تاجر برادری کو ان کے ملک کے ساتھ تجارت کو فروغ دینے کی کوششوں میں ہر ممکن سہولت فراہم کرے گا۔ اس موقع پر اپنے خیالات کا اظہار کرتے ہوئے اسلام آباد چیمبر آف کامرس اینڈ انڈسٹری کے صدر محمد شکیل منیر نے کہا کہ پاکستان اور آذربائیجان کی موجودہ باہمی تجارت دونوں ممالک کی اصل صلاحیت سے بہت کم ہے لہذا ضرورت اس بات کی ہے کہ باہمی تجارت کو بہتر کرنے کیلئے دونوں ممالک کے نجی شعبوں کے ساتھ ہرممکن تعاون کیا جائے۔ انہوں نے آذربائیجان کی ایکسپورٹ اینڈ انوسٹمنٹ پروموشن ایجنسی کے وفد کے متوقع دورہ پاکستان کا خیرمقدم کیا اور اس بات پر زور دیا کہ پاکستان اور آذربائیجان کے درمیان باہمی تعاون کے تمام ممکنہ شعبوں کو تلاش کرنے کے لیے تجارتی وفود کا کثرت سے تبادلہ کرنے کی ہرممکن حوصلہ افزائی کی جائے۔ انہوں نے کہا کہ پاکستان اعلیٰ معیار کی ماربل مصنوعات تیار کر رہا ہے اور باکو میں ماربل کے گودام کا قیام آذربائیجان کو ماربل مصنوعات کی برآمدات بڑھانے کے لیے ضروری ہے۔ انہوں نے کہا کہ فارماسوٹیکل، کاسمیٹکس، آلات جراحی، کھیلوں کا سامان، کٹلری، الیکٹریکل اپلائنسز، ٹیکسٹائل، چمڑے کی مصنوعات، فرنیچر کا سامان، گھریلو دستکاری کی مصنوعات، خوراک، پھل و سبزیاں، انجینئرنگ مصنوعات، کنزیومر گڈز اور چاول سمیت پاکستان کی متعدد مصنوعات آذربائیجان کی مارکیٹ میں مقبولیت حاصل کر سکتی ہیں لہذا انہوں نے اس بات پر زور دیا کہ آذربائیجان پاکستان سے ان مصنوعات کو امپورٹ کرنے کی کوشش کرے۔ آئی سی سی آئی کے ایگزیکٹو ممبران انجینئر اظہر الاسلام ظفر، چوہدری محمد علی، ہمایوں کبیر، فصیح اللہ خان، چوہدری جاوید اقبال، اختر حسین اور دیگر نے بھی اس موقع پر اپنے خیالات کا اظہار کیا اور پاکستان و آذربائیجان کے درمیان دوطرفہ تجارتی و اقتصادی تعلقات کو مزید بہتر کرنے کے لیے مفید تجاویز پیش کیں۔متعلقہ عنوان :
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.