بھارت، بیوی نے شوہر کی لاش کومہ میں سمجھ کر 18 ماہ تک گھر میں رکھ رہی

ہفتہ 24 ستمبر 2022 21:47

نئی دہلی (اُردو پوائنٹ اخبارتازہ ترین - آن لائن۔ 24 ستمبر2022ء) بھارت میں اہلخانہ نے اپنے ایک فرد کی لاش کومہ میں سمجھ کر 18 ماہ تک گھر میں ہی رکھ لی۔ ملکی خبر رساں ادارے کے مطابق کانپور پولیس کا کہنا ہے کہ مرنے والے شخص کی موت کا سرٹیفکیٹ پرائیویٹ ہسپتال نے 22 اپریل 2021ء کو جاری کیا جس میں موت کی وجہ دل اور سانس کی بیماری بتائی گئی۔حکام کا کہنا ہے کہ مرنے والا شخص انکم ٹیکس ڈپارٹمنٹ میں ملازمت کرتا تھا، اسکی بیوی کی ذہنی حالت درست نہیں لگتی۔

(جاری ہے)

وہ ہر صبح لاش پر ’گنگاجل‘ کا چھڑکاو کرتی تھی، اس امید میں کہ اس کا شوہر ایک دن کومہ سے باہر آجائے گا۔چیف میڈیکل آفیسر نے بتایا کہ مرنے والے شخص وملیش ڈکشٹ کے اہلخانہ اسکی آخری رسومات کی ادائیگی سے ہچکچا رہے تھے کیونکہ انہیں لگتا تھا کہ وہ کومہ میں ہے۔ڈاکٹر نے مزید بتایا کہ پنشن کا معاملہ سامنے آنے کے بعد جب پولیس اور مجسٹریٹ وملیش کے گھر پہنچے تو اس کے گھر والوں نے تب بھی اصرار کیا کہ وہ زندہ ہے اور کومہ میں ہے۔پولیس کا کہنا ہے کہ لاش کی حالت انتہائی خراب ہوچکی تھی۔