انٹربینک مارکیٹ میں ڈالر کے مقابلے میں روپے کی قدرمیں ایک اعشاریہ12فیصد اضافہ
ڈالر کو ایک بار پھر مصنوعی طریقے سے چند پیسے اوپر نیچے کرکے گمایا جارہا ہے‘عالمی مارکیٹ میں ڈالر‘یورو اور برطانوی پاﺅنڈ کی قدر گررہی ہے اسحاق ڈار اور شوکت عزیزجیسے ”ماہرین“نمائشی اقدامات سے عارضی طور پر کنٹرول کرتے ہیں‘پاکستان کو بھارت اور بنگلہ دیش کی طرح ٹھوس پالیسیوں کی ضرورت ہے.عالمی مارکیٹ کے ماہرین کا تبصرہ
میاں محمد ندیم جمعرات 29 ستمبر 2022 13:53
(جاری ہے)
عالمی کرنسی مارکیٹ کے ماہرین کا کہنا ہے کہ اسحاق ڈار ہوں یا شوکت عزیزانہوں نے ہمیشہ روپے کو ڈالر کے مقابلے میں کنٹرول میں رکھنے کے لیے بھارت یا بنگلہ دیش کی طرح ٹھوس اقدامات نہیں اٹھائے بلکہ نمائشی اقدامات کیئے گئے جیسے سرکاری محکموں کے ذریعے مہنگے داموں ڈالر خرید کر اسے مارکیٹ میں کم قیمت پر فروخت کرنا اس کی قیمت عوام اداکرتے ہیں مگر اسحاق ڈار اور شوکت عزیز جیسے معاشی ماہرین کی ”مہارت “کی دھاک بیٹھ جاتی ہے.
اس حوالے سے جنرل سیکرٹری ایکسچینج کمپنیز ایسوسی ایشن آف پاکستان ظفر پراچہ نے بات کرتے ہوئے کہا کہ دراصل اسحاق ڈار کی بطور وزیر خزانہ واپسی کی وجہ سے مارکیٹ میں رجحان میں تبدیلی آئی ہے جس کی وجہ سے روپے کی قدر میں اضافہ ہورہا ہے‘انہوں نے کہا کہ ورلڈ بینک اور ایشیائی ترقیاتی بینک کی جانب سے فنڈز کے اجرا کی خبروں کے باوجود روپے کی قدر گر رہی تھی مجموعی طور پر مارکیٹ میں منفی رجحان نظر آرہا تھا، اب ڈالر کی قدر کو کم رکھنے اور معیشت کو بہتر طریقے سے سنبھالنے کے حوالے سے اسحاق ڈار کی ساکھ کے سبب بہتری کی امید ہے. انہوں نے نشاندہی کی کہ ملک کو طویل عرصے سے زرمبادلہ کی کمی کا سامنا ہے، پاکستان کو رواں سال 30 سے 40 ارب ڈالر کی ادائیگیاں کرنی ہیں جبکہ تاحال ہمارے پاس صرف 10 ارب ڈالر کا انتظام ہے انہوں نے تجویز پیش کی کہ حکومت کو درآمدات کو کم کرنا چاہیے اور برآمدات میں اضافہ کرنا چاہیے، اس کے علاوہ افغانستان اور ایران کے ساتھ تجارت اور امیگریشن پالیسیوں پر نظرثانی کرنی چاہیے کیونکہ ان سے ملک کے زرمبادلہ اور ذخائر میں کمی واقع ہوئی ہے. ادھر عالمی معاشی ماہرین کا کہنا ہے کہ پاکستان کو معاشی پالیسیاں شخصیات کے ساتھ نہیں بلکہ دنیا کے معاشی طور پر مضبوط ممالک کی طرح ادارہ جاتی بنیادوں پر بنانا چاہیں ان کا کہنا ہے کہ اسحاق ڈار اسی صورت میں معاشی جادوگرثابت ہوسکتے ہیں اگر یہ ڈالر کو 100روپے کی پوزیشن پر واپس لائیں ورنہ یہ صرف چند پیسوں کے فرق سے اوپر نیچے ہوتا رہے گا جس سے ملک یا عام شہریوں کو کوئی ریلیف ملنے کا امکان نہیں .مزید اہم خبریں
-
امریکی سینیٹ نے یوکرین، اسرائیل اور تائیوان کے لیے 95 ارب ڈالر جنگی امداد کا بل منظور کر لیا
-
امریکی کانگریس نے مقبول سوشل میڈیا ایپ ”ٹک ٹاک“ پر مشروط پابندی کا بل بھاری اکثریت سے منظور کرلیا
-
تحریک انصاف کے نئے انٹرا پارٹی انتخابات پر بھی اعتراضات عائد
-
پاکستان کی ترقی و خوشحالی کے لیے وفاق اور صوبوں میں گہرا تعاون اور تعلق کو پذیرائی دینے کی ضرورت ہے.شہبازشریف
-
تحریک انصاف کی رہنماءیاسمین راشد نے چیف جسٹس کو خط لکھ دیا
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
عمران خان کی رہائی کسی ڈیل کا حصہ نہیں ہوگی، علی محمد خان
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.