مردان ریجن پولیس کی کاروائی، 50 کلو گرام چرس، 11.7 کلو گرام آئس، 2.8 کلو گرام ہیروئن اور 10 لیٹر شراب برآمد، ملوث افراد گرفتار

جمعرات 29 ستمبر 2022 22:06

پشاور(اُردو پوائنٹ اخبارتازہ ترین - آن لائن۔ 29 ستمبر2022ء) ریجنل پولیس آفیسر مردان محمدعلی خان نے کہا ہے کہ مردان ریجن میں منشیات فروشی اور اس کے استعمال کو ہرگز برداشت نہیں کیا جائے گا جبکہ ان کے روک تھام و سدباب کیلئے ریجنل پولیس کی کاروائیوں کو مزید تیز کردی گئیں ہیں۔ ریجن کو منشیات سے پاک کرنا ہمارا مشن ہیں۔ آئی جی خیبرپختونخوا پولیس معظم جاہ انصاری کے ہدایات پر منشیات کی روک تھام کیلئے کاروائیوں کا سلسلہ جاری ہیں۔

منشیات فروشوں کو نوجوانوں کی زندگی سے کھیلنے کی اجازت نہیں دی جائے گی۔

(جاری ہے)

ریجنل پولیس آفیسر مردان کی ہدایات پر مردان ریجن پولیس نے پچھلے 24 گھنٹوں کے دوران منشیات فروشی میں ملوث 91 ملزمان گرفتار کئے گئے جن کے قبضے سے 50کلوگرام چرس 11.7 کلو گرام آئس 2.8 کلو گرام ہیروئن اور 10 لیٹر شراب برآمد کیے گئی. اسطرح دیگر کاروائیوں کے دوران 27 مجرمان اشتہاری گرفتار کیے گئے جن کے قبضے سے 07 عدد ایس ایم جی، 12 عدد رائفل، 36 پستول اور 490 عدد کارتوس برآمد کیے گئے۔ اسطرح جرائم کی روک تھام کی خاطر ریجن بھر میں 35 مقامات پر سنیپ چکنگ جبکہ 13 مقامات پر سرچ آپریشن کئے گئے علاوہ ازیں 161 حساس سرکاری عمارت کا سکیورٹی آڈٹ کیا گیا۔