بلاول بھٹو زرداری کا کشمیریوں کے حوالے سے بیانیہ ہر کشمیری کے دل کی آواز ہے، چوہدری عبد المجید

وزیر خارجہ نے واشنگٹن میں بھارتی وزیراعظم مودی کے چہرے کو جس انداز میں بے نقاب کیا ہے کشمیری عوام بلاول بھٹو زرداری کی شکرگزار ہے، بیان

جمعہ 30 ستمبر 2022 23:03

اسلام آباد (اُردو پوائنٹ اخبارتازہ ترین - این این آئی۔ 30 ستمبر2022ء) سابق وزیراعظم آزاد کشمیر چوہدری عبدالمجیدنے کہا ہے کہ وزیرخارجہ اور چیئرمین پیپلزپارٹی بلاول بھٹو زرداری کا کشمیریوں کے حوالے سے بیانیہ ہر کشمیری کے دل کی آواز ہے، وزیر خارجہ نے واشنگٹن میں بھارتی وزیراعظم مودی کے چہرے کو جس انداز میں بے نقاب کیا ہے کشمیری عوام بلاول بھٹو زرداری کی شکرگزار ہے۔

(جاری ہے)

آزاد کشمیر کے سابق وزیراعظم نے اپنے بیان میں کہا کہ میری دعا اور تمنا یہ ہے کہ اپنی آنکھوں سے بلاول بھٹوزرداری کو پاکستان کا وزیراعظم دیکھوں۔ سابق وزیراعظم آزاد کشمیر نے کہا کہ وہ کون تھا جو مودی کو بھارتی وزیراعظم دیکھنے کے لئے بیتاب تھا، کشمیریوں کو سب یاد ہے، بھارتی پائلٹ کو وی وی آئی پی پروٹوکول دینے والے شخص کو کشمیری حریت پسند یاسین ملک یاد کیوں نہیں آیا