خواجہ آصف کا عمران خان کیخلاف آرٹیکل 6 کے تحت کارروائی کا مطالبہ

آڈیو لیکس میں عمران خان نے اپنی زبان سے جعل سازی اور فراڈ کو مانا، سائفر کی آڈیو لیکس کے بعد عمران خان کو ڈوب مرنا چاہیے، وزیر دفاع

جمعہ 30 ستمبر 2022 22:35

خواجہ آصف کا عمران خان کیخلاف آرٹیکل 6 کے تحت کارروائی کا مطالبہ

لندن (اُردو پوائنٹ اخبارتازہ ترین - این این آئی۔ 30 ستمبر2022ء) وزیر دفاع خواجہ آصف نے پاکستان تحریک انصاف کے چیئرمین عمران خان کیخلاف آرٹیکل 6 کے تحت کارروائی کا مطالبہ کردیا۔

(جاری ہے)

میڈیا سے گفتگو کرتے ہوئے خواجہ آصف نے کہا کہ آڈیو لیکس میں عمران خان نے اپنی زبان سے جعل سازی اور فراڈ کو مانا، سائفر کی آڈیو لیکس کے بعد عمران خان کو ڈوب مرنا چاہیے۔خواجہ آصف نے کہا کہ پاکستان کی 75 سالہ تاریخ میں کسی نے ملکی سالمیت کو اتنا نقصان نہیں پہنچایا۔وزیر دفاع نے کہا کہ کسی آمر نے بھی ملک کو اتنا نقصان نہیں پہنچایا۔