حارث ٹی ٹوئنٹی ڈیبیو کرنے والے 99ویں پاکستانی کرکٹر بن گئے

ہفتہ 1 اکتوبر 2022 18:19

لاہور (اُردو پوائنٹ اخبارتازہ ترین - آن لائن۔ 01 اکتوبر2022ء) انگلینڈ کے خلاف چھٹے میچ میں محمد حارث ٹی ٹوئنٹی ڈیبیو کرنے والے 99 ویں پاکستانی کرکٹر بن گئے۔محمد رضوان کو آرام دیا گیا،انہوں نے ہی نوجوان وکٹ کیپر کو کیپ پیش کی، حارث نے کہا کہ ملک کی جانب سے ڈیبیو کرنے پر فخر ہے، میں اپنی صلاحیتوں کے مکمل اظہار کی کوشش کروں گا۔

(جاری ہے)

واضع رہے کہ گزشتہ میچ میں ڈیوڈ مالان کی تھرو پر کمر پر گیند لگنے کی وجہ سے رضوان کی جگہ محمد حارث نے وکٹ کیپنگ کی ذمہ داریاں نبھائیں تھیں۔جمعہ کو پاکستان نے دوسری تبدیلی کرتے ہوئے حارث رؤف کو آرام دے کر شاہنواز دھانی کو شامل کیا، انگلینڈ نے کرس ووکس اور مارک ووڈ کی جگہ رچرڈ گلیسن اور ریس ٹوپلے کو پلیئنگ الیون کا حصہ بنایا۔