اکتوبر اور نومبرعمران خان کیلئے مصیبت کے مہینے ہیں، منظوروسان کی پیش گوئی

جن لوگوں نے عمران خان کوجہاں سے پک کیا تھا، اسے وہیں واپس بھیج رہے ہیں،گفتگو

پیر 3 اکتوبر 2022 18:17

اکتوبر اور نومبرعمران خان کیلئے مصیبت کے مہینے ہیں، منظوروسان کی پیش ..

خراچی(اُردو پوائنٹ اخبارتازہ ترین - آن لائن۔ 03 اکتوبر2022ء) سابق وزیر اعظم عمران خان کیلئے کون سے مہینے مصیبت کے ہیں اور کیا فیوچر ہوگا منظوروسان نے پیشگوئی کر دی، ان کا کہنا ہے کہ عمران خان کے لئے اکتوبر اور نومبر مصیبت کے مہینے ہیں۔

(جاری ہے)

پیر کے روز صحافیوںسے گفتگو کرتے ہوئے پی پی پی رہنما منظوروسان کا کہنا تھا کہ مجھے اب عمران خان کا فیوچر کہیں نظر نہیں آرہا،جن لوگوں نے عمران خان کوجہاں سے پک کیا تھا، اسے وہیں واپس بھیج رہے ہیں، عمران خان کے دن گنے جا چکے ہیں اور وہ پھنس چکے ہیں،جب بھی عمران خان کے وارنٹ گرفتاری جاری ہوتے ہیں تووہ بنی گالاسے فرار ہوکر پشاوریا کسی اور جگہ بھاگ جاتے ہیں، عمران خان نے کبھی جیل دیکھی ہی نہیں ہے۔

منظور وسان نے دعوی کیا کہ عمران خان کے مطابق جب ججز کی بحالی کی تحریک چلی تھی تو وہ صرف 4 دن جیل گئے تھے، انہوں نے کہا کہ عمران خان میرے ساتھ 2002 میں ایم این اے تھے، تب مجھے کہتے تھے کہ آپ لوگ جیل میں کیسے دن گزارلیتے ہیں اگر میں جیل جائوں توخودکشی کرلوں۔